Aqtaýda poker oıyny bıznesin uıymdastyrýshy men eki dıler ustaldy

2022 jylǵy 4 jeltoqsan, 17:18
Aqtaýda poker oıyny bıznesin uıymdastyrýshy men eki dıler ustaldy

ASTANA. QazAqparat – Mańǵystaý oblystyq PD Uıymdasqan qylmysqa qarsy kúres basqarmasynyń qyzmetkerleri zańsyz oıyn bıznesi núktesin joıdy, dep habarlaıdy QazAqparat polisia.kz telegram kanalyna silteme jasap.

Aqtaý qalasynyń 15-shaǵyn aýdanyndaǵy turǵyn úı keshenderiniń birinde uıymdastyrylǵan zańsyz oıyn bıznesi joıyldy. Uıymdastyrýshy men eki dıler ustaldy.

Mekenjaı boıynsha tintý júrgizý kezinde oıyn ústeli, poker oınaýǵa arnalǵan 154 oıyn fıshkasy, 16 qorap oıyn kartasy jáne marıhýana paıdalanýǵa arnalǵan qoldan jasalǵan eki qural tárkilendi. Sondaı-aq, 374 myń teńge, 200 dollar jáne 50 eýro men quramynda marıhýana bar túıinshek tárkilendi.

Sondaı-aq, úı-jaıda daıashy men basqa da oıynshylar bolǵan.

Atalǵan derek QR QK 307-baby 2-bóligi boıynsha SDTBT-de tirkeldi. Jedel tergeý is-sharalary júrgizilip jatyr. Tergeý múddesi úshin ózge aqparat jarııa etilmeıdi.

Uqsas jańalyqtar
Seriktester jańalyqtary

Jańalyqtar