+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Aqtaýda qıraǵan túrme jataqhanasy: Zardap shekkenderdiń biri aýrýhanadan shyqty

2021 jylǵy 26 shilde 20:02
Bólisińiz:
Aqtaýda qıraǵan túrme jataqhanasy: Zardap shekkenderdiń biri aýrýhanadan shyqty

AQTAÝ. QazAqparat - Mańǵystaý kolonııasyndaǵy apattan zardap shekkenderdiń biri aýrýhanadan shyqty, dep habarlaıdy QazAqparat tilshisi.

Mańǵystaý oblystyq kópsalaly aýrýhanasynyń baspasóz qyzmeti GM-172/6 kolonııasynyń aýmaǵynda jataqhana qulaǵannan keıin medıtsınalyq mekemege jatqyzylǵan tórt sottalýshynyń jaǵdaıy týraly aıtyp berdi.

Zardap shekken sottalǵandardyń biri densaýlyq jaǵdaıynyń jaqsarýyna baılanysty aýrýhanadan shyǵarylǵan.

«Ekinshi patsıent ókpeni jasandy jeldetý apparatyna qosylǵan bolatyn. Onyń jaǵdaıy jaqsardy. Sondyqtan ony reanımatsııadan travmatologııa bólimine aýystyrdyq», - delingen habarlamada.

Taǵy eki sottalýshy travmatologııa bóliminde emin jalǵastyrýda. Ekeýiniń de jaǵdaıy ortasha aýyr dep baǵalanyp otyr.

Esterińizge sala keteıik, 19 shildede jataqhana opyrylyp qulap, saldarynan 11 adam zardap shekti, onyń úsheýi qaıtys bolǵan edi.

Segiz sottalýshy medıtsınalyq kómek kórsetý úshin oblystyq aýrýhanaǵa jetkizildi.

Keıin tórteýi aýrýhanaǵa jatqyzylyp, qalǵany ambýlatorııalyq emdelýge jiberildi.

QR ІІM Qylmystyq-atqarý júıesi komıteti málim etkendeı, tergeý QR QK 278-babynyń 3-bóligi boıynsha júrip jatyr.



Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT