Aqtaýda eki marıhýana zerthanasy anyqtaldy
2022 jylǵy 28 mamyr 21:37

Aqtaýda eki marıhýana zerthanasy anyqtaldy

NUR-SULTAN. QazAqparat – Mańǵystaý oblystyq polıtsııa departamentiniń esirtki bıznesine qarsy kúres basqarmasynyń qyzmetkerleri jedel izdestireý sharasy kezinde marıhýana ósiretin 2 fıtozerthanany anyqtady, dep habarlaıdy QazAqparat atalǵan vedomstvonyń baspasóz qyzmetine silteme jasap.

«Alǵashqy fakt boıynsha buryn isti bolǵan 38 jastaǵy er adam ustaldy. Onyń úıinen 8 gúl ósirýge arnalǵan qumyrada ósip turǵan marıhýana jáne esirtki daıyndaıtyn ártúrli tuqymdas 9 qumyra tabyldy», - degen aqparat taratty oblystyq polıtsııa departamentiniń baspasóz qyzmeti.

Polıtsııa departamentiniń habarlamasynda aıtylǵandaı, ekinshi esirtki zerthanasy Aqtaý qalasyndaǵy shaǵyn aýdandardyń birindegi turǵyn úıdiń ekinshi qabatynda anyqtalǵan.

«Esirtki zerthanasynyń ıesi 29 jastaǵy er adam bolyp shyqty. Polıtseıler turǵynnan 13 marıhýana butasyn jáne esirtki ósimdikterin ósirýge arnalǵan mıneraldy tyńaıtqyshtar salynǵan ydystardy tárkiledi», - deıdi vedomstvodan.

Qazir atalǵan faktiler boıynsha tergep-tekserý amaldary júrip jatyr.

«QR Qylmystyq kodekisiniń 300-babynyń birinshi tarmaǵyna sáıkes «quramynda esirtki bar ósimdikterdi zańsyz ósirý» boıynsha sotqa deıingi tergeý bastaldy. Ustalǵandarǵa qatysty bas bostandyǵynan aıyrýmen baılanysty emes bultartpaý sharasy tańdaldy», - delingen habarlamada.


Uqsas jańalyqtar

Jańalyqtar

MURAǴAT