+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Aqtaýda bronhıt dertimen aýrýhanada jatqan 14 jasar bala komaǵa túsip qaldy

2019 jylǵy 7 jeltoqsan 18:10
Bólisińiz:
Aqtaýda bronhıt dertimen aýrýhanada jatqan 14 jasar bala komaǵa túsip qaldy

AQTAÝ. QazAqparat - Aqtaýda 14 jastaǵy jasóspirim oblystyq balalar aýrýhanasynyń jansaqtaý bóliminde es-tússiz jatyr, dep habarlaıdy QazAqparat tilshisi.

Uqsas jańalyqtar
Oralda 9 gektar jerdiń qurǵaq shóbi órtendi Almatyda áskerı ınstıtýt kýrsanty kópirden sekirmek bolǵan boıjetkendi qutqardy Túrkistan oblysynda nóser men qar saldarynan keı aýdandar jaryqsyz qaldy

14 jasar Maksım Abılov 28 qarasha kúni jedel bronhıtpen juqpaly aýrýlar bólimine jetkizilgen. Qan taldaýynan keıin leıkoz dıagnozy qoıylyp, sol kúni pedıatrııa bólimine jatqyzylady. Kelesi kúni jaǵdaıy nasharlap, jansaqtaý bólimine túsedi. Úsh kúnde beti beri qaraǵan soń dárigerler qaıtadan pedıatrııa bólimine aýystyrady. Balanyń anasy dárigerlerdiń eń birinshi qateligi osy boldy deıdi.

«Ózi tamaq iship, ózdiginen turyp júrgen soń dárigerler « oryn joq, basqa balalardy jatqyzýymyz kerek « dedi. Biraq bos kerýetter tolyp turǵan kórdim. Ulymnyń jaǵdaıy jaqsaryp ketpegen edi, sebebi denesi qatty qyzýlap, qan qysymy 160-qa kóterilip turdy. Soǵan qaramastan ony jansaqtaý bóliminen shyǵaryp tastady, al pedıatrııa bólimi qabyldap alǵan. Alaıda ol bólimde balamdy qaı dáriger qabyldap alǵany belgisiz. 3 dáriger de kezekshilikke túsken kezimizde bala pedıatrııaǵa kelip qoıǵan deıdi. Sonda medbıkeler qabyldaǵan ba? Men túsinbeımin»,-deıdi Natalıa Abılova.

Sol kúni pedıatrııa bóliminde tańerteńnen bastap kezekshilikte bolǵan dáriger naýqasty osynda aýystyrǵanynan habarsyz bolǵanyn aıtyp aqtalady. Ol balany kórgen kezde onyń jaǵdaıy rasymen nashar ekenin baıqaǵan.

«2 jeltoqsan kúni tańerteń 10-da aýystyrylǵan. Men ony bilgen joqpyn. 1-ge jaqyn trombokontsentrant keldi dep meıirbıke shaqyrǵanda bildim. Men kezekshilikti 8 jarymda qabyldadym. Kórgen kezde jaǵdaıy aýyr boldy»,-deıdi oblystyq balalar aýrýhanasy qabyldaý bóliminiń dárigeri Raýshan Aıtpaeva.

Dárigerdiń aıtýynsha, naýqastyń jaǵdaıy nashar ekenin jansaqtaý bólimine habarlap, sodan keıin reanımatolog kelip qaraǵan. Al balanyń týystary pedıatrııada em-dom durys júrgizilmedi dep otyr. Dári-dármek berý protsedýrasy óreskel buzylyp, saldarynan balanyń jaǵdaıy kúrt nasharlaǵan deıdi olar.

«Tańerteń balany pedıatrııaǵa aýystyryp tastaǵan. Sosyn tústen keıin saǵat 4-te trombotsıt dárisin ákeldi, ony quıdy. Basynda reaktsııa boldy. Bala basym aýyryp jatyr dedi. Qazir salamyz, qan qysymy kóterilip ketti dedi. 2 ampýla ıne saldy. Qysymy tústi dedi de, qaıtadan trombotsıtti saldy. 30-40 mınýtta quıylatyn zat eken, 2-de kelgen trombotsıtti 4-te quıyp bastady. Bala sol kúni 7-de qaıtadan nasharlap, reanımatsııaǵa tústi. Dárigerler bir-birine siltep otyr»,-deıdi naýqastyń týysy Bahtııar Qudaıbergenov.

«Arty qalaı bolaryn dárigerler de bilmeıdi ǵoı. Qan quıylatynyn bilgende biz ony aýystyrmaıtyn edik»,-deıdi oblystyq aýrýhana bas dárigeriniń orynbasary Mereke Bekbaev.

Ertesinde tańerteń bala qozǵalyssyz jatqan. Dárigerlerdiń sózinshe, tústen keıin bala komanyń birinshi dárejesine túsken. Sol kúni Almatydan dárigerler shaqyrtylǵan. Biraq sanavıatsııamen alyp ketýge naýqastyń jaǵdaıy jaramaıtyndyqtan, aýrýhanada qaldyrýǵa májbúr bolady. Anasy olardyń tym kesh shaqyrylǵanyna qynjylady. Dárigerlerdiń úshinshi qateligi osy boldy deıdi ol.

«Sanavıatsııa 3-te keldi. Bala aýrýhanaǵa túskende demalys kúnderine, ıaǵnı 30 qarasha, 1-2 jeltoqsan kúnderine sáıkes kelip qaldy. Olar kelip, alyp kete almaıtynyn aıtty»,-deıdi oblystyq aýrýhana bas dárigeriniń orynbasary Mereke Bekbaev.

Naýqasty endi ornynan qozǵaýǵa múmkindik joq. Ásirese, áýe kóligimen ushý ol úshin asa qaterli. Qan tamyrlary joǵary qysymdy kótere almaýy múmkin. Sondyqtan qajetti mamandar osynda aldyrylady. Almatydan arnaıy shaqyrylǵan gemotolog maman keledi. Ol balanyń jaǵdaıymen tanysyp, ári qaraı qandaı em-dom jasaý kerektigin aıtady.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT