+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Aqtaý áýejaıynda koronavırýsqa qarsy oqý-jattyǵý ótti

2020 jylǵy 23 aqpan 18:12
Bólisińiz:
Aqtaý áýejaıynda koronavırýsqa qarsy oqý-jattyǵý ótti

AQTAÝ. QazAqparat - Aqtaý halyqaralyq áýejaıynda koronavırýsqa qarsy oqý-jattyǵý ótti.

Shara barysynda qaýipti indet belgileri baıqalǵan jaǵdaıda qutqarýshylar, sanıtarlyq dárigerler men ekıpaj músheleri qalaı áreket etetindigi is júzinde pysyqtaldy, dep habarlaıdy QazAqparat tilshisi.

Oqý-jattyǵý jospary boıynsha, Aqtaý áýejaıyna halyqaralyq reıstegi ushaqtardyń biri kelip qonady. Ushaq komandıriniń habarlaýynsha áýede jolaýshylardyń biriniń qyzýy kóterilip, ózin jaısyz sezingen.

«Qyzý, álsizdik, jótel - bul qaýipti vırýstyń basty belgileri. Endi jedel áreket etý tobynan bastap tártip saqshylaryna deıin árbir qyzmetker vırýstyń oblys aýmaǵyna enýine jol bermeý úshin jaýapkershilik alǵan. Sondyqtan árkim óz mindetin múltiksiz oryndaýy shart»,-deıdi oblystyq tutynýshylar quqyǵyn qorǵaý departamentiniń basshysy Erǵalı Sydymanov.

Ári qaraı, arnaıy kólikter jolaýshylar men ekıpaj músheleriniń evakýatsııalanýyn qamtamasyz etti. Bundaı jaǵdaıda eń bastysy - artyq shý shyǵaryp, dúrbeleń týdyrmaý kerek. Kútý zalyna ótken jolaýshylar taǵy da teplovızor arqyly tekserildi.

«Jattyǵý sátti ótti. Tapsyrma tolyǵymen oryndaldy. Bunyń taktıkalyq jattyǵý ekenin taǵy bir ret eske salamyn. Eshkim zardap shekken joq. Barlyǵy aman-saý»,-deıdi Azamattyq qorǵaý basqarmasynyń ókili Azamat Tólegenov.

Aqtaý áýejaıy kúnine 10-14, al aptasyna 100 reıske deıin qabyldaıdy. Juqpaly vırýstyń el aýmaǵyna enbeýine qarsy sharalar respýblıka boıynsha júrgizilip jatyr. Sondyqtan mamandar alańdaýǵa negiz joq deıdi.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT