+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Aqsýda 200 oryndyq jataqhana paıdalanýǵa berildi

2019 jylǵy 14 jeltoqsan 18:14
Bólisińiz:
Aqsýda 200 oryndyq jataqhana paıdalanýǵa berildi

PAVLODAR. QazAqparat - Táýelsizdik kúnine oraı ashylǵan 200 oryndyq jataqhanada Aqsý qara metallýrgııa kolledjiniń stýdentteri turady, dep habarlaıdy QazAqparat pavlodarnews.kz silteme jasap.

Uqsas jańalyqtar
Shymkentte jańadan salynǵan stýdentter jataqhanasy paıdalanýǵa berildi Shymkentte 29 myńǵa tarta jas kásiptik bilim alýda Qostanaı oblysy jataqhana máselesin qalaı sheshpek

Búginde kolledjdiń 150-den astam stýdenti jańa jataqhanaǵa qonystanýǵa daıyn. Bul kóbinese jaqyn mańdaǵy aýyldarda turatyn stýdentter. Buryn kúnde Aqsý qalasyna barýǵa nemese qalada páter jaldaýǵa májbúr bolǵan.


«Men Aqsý qalasynan 20 shaqyrym jerdegi Evgenevka aýylynda turamyn, - deıdi 3-kýrs stýdenti Stanıslav Kýdrın. Aqsý qalasyna jetip, oqýyma úlgerý úshin kún saıyn tańerteńgi saǵat 6-da turamyn. Jataqhanada árıne yńǵaıly bolady. Jolda aqsha men ýaqytty jumsamaısyń».


Jataqhanadaǵy eki oryndy ár bólme jýynatyn bólmemen jabdyqtalǵan. Munda ashana, kir jýatyn bólme, jattyǵý jáne bı zaly bar.

«Jataqhananyń ashylýynyń arqasynda bizdiń oqý ornymyz «Serpin» respýblıkalyq baǵdarlamasyna qatysyp, Qazaqstannyń jumys kúshi bar óńirlerinen stýdentterdi tarta alady, - deıdi Aqsý qara metallýrgııa kolledjiniń basshysy Renat Dúısekenov. – Bizdiń túlekterimizdiń 91 paıyzy Aqsý ferroqorytpa zaýytynda jumys isteıdi. Sondyqtan men bizden mamandyq alýǵa nıettiler qashanda tabylady dep oılaımyn».

Jańa jataqhananyń tusaýkeser rásiminde Pavlodar oblysynyń ákimi onyń qurylysy uzaq ýaqyttan beri kóterilgen másele ekenin jáne búginde oblysta tek kolledj stýdentterin ǵana emes, sonymen qatar, joǵary oqý oryndaryn da jataqhanamen qamtamasyz etýge tyrysyp jatqanyn atap ótti.


«Mysaly, búginde Toraıǵyrov atyndaǵy Pavlodar memlekettik ýnıversıtetiniń janynda 500 oryndy jańa jataqhana salynýda, - dedi Bolat Baqaýov. – Dál sondaı stýdentter úıi Pavlodar memlekettik pedagogıkalyq ýnıversıtetinde de boı kóterýde. Táýelsizdik kúni qarsańynda Aqsý qalasynda stýdentterge arnalǵan jataqhana ashqanymyz óte qýanyshty. Biz qalany damytý boıynsha jumysty mindetti túrde jalǵastyramyz».


Jataqhanaǵa jańa qonystanýshylar jaqyn arada ornalasady. Stýdentter munda tegin turady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT