+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Aqsha aýdarymdaryna salyq salynbaıdy - Álıhan Smaıylov

2019 jylǵy 14 qarasha 10:15
Bólisińiz:
Aqsha aýdarymdaryna salyq salynbaıdy - Álıhan Smaıylov

NUR-SULTAN. QazAqparat – Premer-mınıstrdiń birinshi orynbasary - Qarjy mınıstri Álıhan Smaıylov halyqtyń qolma-qol aqshasyz aýdarymdaryna qatysty pikir bildirdi, dep habarlaıdy QazAqparat tilshisi.

Uqsas jańalyqtar

«Aqsha aýdarymdary boıynsha komıssııa bolmaǵandyqtan, paıdalanýdyń yńǵaılylyǵyna baılanysty Kaspi sııaqty jedel aýdarym júıeleriniń turǵyndar arasynda jáne bızneste tanymaldyǵy artyp keledi. Árıne, qolma-qol aqshasyz tólemderdiń ósimi kóleńkeli ekonomıkanyń tómendeýine yqpal etetinin túsinip otyrmyz. Qarjy mınıstrligi mundaı aýdarymdardan eshqandaı qosymsha tólem nemese salyq alýdy josparlap otyrǵan joq. Ásirese jeke tulǵalardyń qolma-qol aqshasyz aýdarymdaryn tekserý – eshqandaı josparda joq», - deıdi Premer-Mınıstrdiń birinshi orynbasary.

Álıhan Smaıylovtyń aıtýynsha, mınıstrlik banktermen birlesip, qolma-qol aqshasyz esep aıyrysý úshin yńǵaıly jáne zamanǵa ınfraqurylymdy damytý jumystaryn júrgizip keledi.

«Al kásipkerlik sala ashyq bolýy kerek. Zańǵa sáıkes kásipkerler fıskaldy túbirtek berip, 2020 jyldyń 1 qańtarynan bastap onlaın-kassalyq mashınalardy paıdalanýy tıis. Kaspi-di kásipkerlik maqsatta paıdalaný – kásipkerlerdi osy mindettemelerden bosatpaıdy. Tutynýshynyń quqyǵyn qorǵaý úshin tekserýdiń mańyzdy ekenin uǵyný kerek», - deıdi ol.

Premer-mınıstrdiń birinshi orynbasary qazirgi tańda Qarjy mınıstrligi jedel qyzmet kórsetý júıesin paıdalanyp kásipkerlerdiń kiristerin ákimshilendirý máselesi pysyqtalyp jatqanyn habarlaıdy.

«Mysaly, bul onlaın-kassalyq mashınalar men POS-termınaldardy avtomatty túrde toltyrý jáne salyq eseptiligin jiberý fýnktsıonaldylyǵymen biriktirý arqyly júrgiziledi. Mundaı pılot kelesi jyly Kaspi Bank-pen birge ótkiziledi. Sonymen qatar, Memleket basshysynyń 2020 jylǵy 1 qańtardaǵy tapsyrmasyna sáıkes, arnaıy salyq rejimderin qoldanatyn mıkro jáne shaǵyn bıznes sýbektileri, mysaly, patent nemese jeńildetilgen deklaratsııa 3 jylǵa salyqtar men tekserýlerden bosatylatyndyǵyn atap ótkim keledi. Osyǵan baılanysty turǵyndar alańdaıtyndaı eshqandaı negiz joq», - dep túıdi Álıhan Smaıylov.


Eske sala ketsek, kúni keshe QR Ulttyq bank tóraǵasy Erbolat Dosaev QR Qarjy mınıstrliginiń el turǵyndarynyń qolma-qol aqshasyz tólemderin tekserýge qatysty usynysyna túsinik bergen bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT