+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

AQSh-tyń jańa Prezıdenti: Bul – uly memleket jáne biz – jaqsy adamdarmyz

2021 jylǵy 21 qańtar 01:40
Bólisińiz:
AQSh-tyń jańa Prezıdenti: Bul – uly memleket jáne biz – jaqsy adamdarmyz

VAShINGTON. QazAqparat – Jarty ǵasyrǵa jýyq ýaqyt AQSh-tyń saıası ómirine belsendi qatysýshylardyń biri bolǵan demokrat Djo Baıden, Amerıkanyń 46-ynshy Prezıdenti retinde laýazymyna resmı kiristi. 78 jastaǵy D.Baıden eldiń eń qart basshysy bolyp otyr. Ol buǵan deıin 36 jyl senator, 8 jyl vıtse-prezıdent qyzmetin atqardy. Ulyqtaý rásiminde Prezıdent retinde ant berip, AQSh Konstıtýtsııasyn jáne eldi ishki jáne syrtqy jaýlardan qorǵaýǵa sert etti. QazAqparat bul týraly «Golos Amerıkı» jańalyqtar qyzmetine silteme jasap habarlaıdy.

Sharaǵa qatysýshylar aldynda sóz sóılegen AQSh-tyń 46-ynshy Prezıdenti búgingi kún – demokratııa jeńiske jetken kún bolǵanyn atap ótti.

«Bul – uly memleket jáne biz – jaqsy adamdarmyz», - dedi Baıden. Onyń aıtýynsha, elde kóptegen dúnıeni qaıta jóndep, jańadan qurý qajet.

«Biz úlken isterdi júzege asyrýǵa qaýharlymyz», - dedi ol.

«Tarıh, senim jáne aqyl-parasat – bizge birlikke bastar joldy kórsetedi», - dep qosty Prezıdent.

D.Baıden amerıka qoǵamyndaǵy kelispeýshilikter jikke bólinýge alyp kelmeýi tıistigin eske saldy. Ol barsha amerıkalyqtyń prezıdenti bolatynyn basa aıtty. «Biz azamattyq emes bul soǵysty toqtatýymyz kerek... Atqarylýy tıis isterdi júzege asyrý kezinde biz bir-birimizge qajet bolamyz», - dedi AQSh basshysy.

Eldiń 46-ynshy prezıdenti sheshimin tabýy tıis túıitkilderdiń arasynda artyp kele jatqan teńsizdik pen júıeli násilshildik baryn atap ótti.

Inaýgýratsııa aıaqtalǵan soń Djo Baıden men vıtse-prezıdent Kamala Harrıs Arlıngton ulttyq zıratyndaǵy Belgisiz soldat beıitine gúl shoqtaryn qoıý rásimine qatysty.

Málim etilgendeı, odan keıin AQSh-tyń jańadan saılanǵan Prezıdenti birqatar qujatqa qol qoıdy. Olardyń arasynda Ulyqtaý kúnine oraı Proklamatsııa, kabınet quramyndaǵy laýazymdarǵa nomınatsııalar jáne jáne ózge de qyzmetterge nomınatsııalar bar.

Buǵan deıin B.Baıdenniń komandasy onyń alǵashqy tapsyrmalarynyń qatarynda Dúnıejúzilik densaýlyq saqtaý uıymymen yqpaldastyqty qaıta jandandyrý, Klımat jónindegi Parıj kelisimine qaıta qosylý, birneshe musylman elderinen AQSh-qa kelýge tyıym salý týraly D.Tramptyń tapsyrmasynyń kúshin joıý, AQSh-ta násildik teń quqyqty qamtamasyz etý boıynsha úl úkimetiniń kúsh-jigerin belsendirý, bala kezinde Amerıkaǵa zańsyz kelgen azamattardyń quqyǵyn qorǵaýdy kúsheıtý jarlyqtary bolatynyn atap ótken edi.

Sonymen qatar, D.Baıden el halqyn azamattyq patrıottyqqa shaqyryp, koronavırýs pandemııasy kezinde maska taǵýǵa úndeý joldaıtyny aıtylǵan.

Buǵan deıin habarlaǵanymyzdaı, sársenbi kúni Djo Baıden AQSh Prezıdenti laýazymyna resmı kiristi. Al Kamala Harrıs vıtse-prezıdent boldy.

Eske salaıyq, 2020 jyldyń 6 qańtary kúni AQSh Kongresi saılaýshylardyń daýysyn eseptep, 2020 jylǵy prezıdent saılaýynyń qorytyndysyn shyǵarý úshin jınalǵan bolatyn. Saılaýda demokrattar partııasynyń ókili Djo Baıden jeńiske jetken edi. Alaıda, buǵan deıingi prezıdent Donald Tramptyń jaqtastary jappaı narazylyq aktsııasyn bastap, olardyń bir toby Kongress ǵımaratyna basyp kirdi. Saldarynan 4 adam qaza boldy.

Osydan keıin AQSh Kongresiniń ókilder palatasyna Donald Tramptyń ımpıchmenti týraly resmı rezolıýtsııa engizildi. Ol búlikke azǵyrdy dep aıyptalýda. Senatta bul másele qashan qaralatyny áli jarııalanǵan joq. Tramp kináli dep tanylǵan jaǵdaıda, oǵan memlekettik laýazymdarǵa qaıta taǵaıyndalýǵa tyıym salynýy múmkin.

2021 jyldyń 7 qańtary kúni Djo Baıden AQSh Prezıdenti retinde resmı tanyldy.


Bizdiń kanalymyzǵa jazylyńyz:

#Álem   #Amerıka  
Bólisińiz:

Avtor:

Mıra Tólendiqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT