AQSh: Tehasta 18 jastaǵy jigit mektepte 14 oqýshy men bir muǵalimdi atyp óltirdi
2022 jylǵy 25 mamyr 03:20

AQSh: Tehasta 18 jastaǵy jigit mektepte 14 oqýshy men bir muǵalimdi atyp óltirdi

NUR-SULTAN. QazAqparat - AQSh-tyń Tehas shtatyndaǵy ıÝvald qalasynda bastaýysh mektepte atys bolyp, 14 oqýshy men bir muǵalim oqqa ushty. Bul týraly shtat gýbernatory Greg Ebbottqa siltememen CBS telekompanııasy habarlady.

Gýbernatordyń málimetinshe, oq atqan 18 jastaǵy jergilikti turǵyn — Salvador Romas. Kúdikti oqıǵa ornyna kelgen tártip saqshylarymen atys kezinde qaza boldy.
«Ol 14 oqýshyny jer jastandyrdy, taǵy bir muǵalimdi óltirdi» dep málimdedi Greg Ebbott.

Jergilikti BAQ keltirgen derekke saı, atys Tehas ýaqyty boıynsha 12:00-de (Nur-Sultan qalasynyń ýaqytymen 23:00) bastalǵan. Arada bir saǵat ótken soń polıtsııa atys shyǵarǵan qaskóıdiń kózin joıǵanyn málimdegen.

Buǵan deıin ABC telearnasy dárigerlerdiń arasyndaǵy derekkózge silteme jasaı otyryp, jaralanǵan 13 oqýshyǵa medıtsınalyq kómek kórsetilip jatqanyn, onyń ekeýi San-Antonıo qalasyndaǵy aýrýhanaǵa jóneltilgenin habarlaǵan. Odan bólek, 45 jastaǵy taǵy bir eresek adamǵa oq tıip, jaralanǵanyn jarııalady.
Salvador Romas ne sebepti mundaı qylmysqa barǵany ázirshe belgisiz.


Uqsas jańalyqtar

Jańalyqtar

MURAǴAT