+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

AQSh-ta koronavırýs juqtyrǵandar sany jaǵynan jańa rekord ornady

2020 jylǵy 13 shilde 09:52
Bólisińiz:
AQSh-ta koronavırýs juqtyrǵandar sany jaǵynan jańa rekord ornady

VAShINGTON. QazAqparat – AQSh-ta koronavırýs juqtyrý jaǵdaılarynyń sany artýda, demalys kúnderi antırekord ornady. Izraılde myńdaǵan adam úkimetten ótemaqy talap etip kóshege shyqty, dep habarlaıdy QazAqparat BBC agenttigine silteme jasap.

Uqsas jańalyqtar
Elimizde koronavırýs juqtyrǵan 246 naýqastyń jaǵdaıy aýyr - DSM 250 adam koronavırýs indetinen emdelip shyqty Qazaqstanda 741 adam koronavırýs juqtyrdy

Djons Hopkıns ýnıversıtetiniń málimeti boıynsha Covid-19 indetine shaldyqqandar sany álemde 13 mln adamǵa jýyqtady. 565 myńnan astam naýqas qaıtys boldy.

Maska taqqan Tramp jáne AQSh-taǵy jańa antırekord

AQSh prezıdenti Donald Tramp pandemııa kezeńinde alǵash ret kameraǵa maskamen tústi. Bul senbi kúni boldy. Bul kúni elde 66 myń adam aýrý juqtyryp, kezekti rekord jańardy.

Tramp senbi kúni Vashıngton mańyndaǵy Ýolter Rıd áskerı aýrýhanasyna jaraqat alǵan áskerı lermeen jáne Covid-19 juqtyrǵan patsıentterdi kútetin medıtsınalyq qyzmetkerlermen kezdesýge bardy.

BAQ Tramptyń kómekshileri prezıdentten kópshilik aldynda maska taǵýdy suraǵanyn habarlady. Alaıda ol mıtıngilerde, baspasóz konferentsııalarynda jáne basqa da kópshilik qatysatyn is-sharalarda maska taǵýdan bas tartqan bolatyn.

AQSh indetke shaldyqqandar sany boıynsha álemde kósh bastap tur. Munda 3 mıllıonnan astam adam koronavırýs juqtyrsa, 132,3 myń adam kóz jumǵan.

Reseı men Brıtanııadaǵy jaǵdaı

Reseıde ótken táýlikte 6615 adamnan koronavırýs anyqtalyp, 130 patsıent kóz jumǵanyn indetpen kúres jónindegi jedel shtab habarlady. Reseıde vırýs taralǵaly beri 727 myń adam aýyrǵan (álem boıynsha 4-orynda), 11335 naýqas qaıtys bolǵan.

Ulybrıtanııada senbi kúni basseınder men ashyq aspan astyndaǵy teatrlar, sondaı-aq krıket oınaýǵa arnalǵan alańdar ashyldy. Elde qoǵamdyq oryndarda maskalardy mindetti túrde taǵý týraly daý áli de jalǵasýda. Ázirge bılik mindetti sharalar engizbeıtinderin málimdedi.

Álemdegi ahýal

Úndistanda vırýs juqtyrǵandar sany 820 myń adam boldy. Jeksenbi kúni áıgili úndi aktrısalarynyń biri Aıshvarııa Raı, onyń kúıeýi men qyzy koronavırýsqa shaldyqqany belgili boldy.

Úndistan aýrý juqtyrǵandar sany boıynsha álemde AQSh pen Brazılııadan (1,8 mln) keıingi úshinshi, al qaıtys bolǵandar sany boıynsha segizinshi orynda tur.

Jalpy Latyn Amerıkasyndaǵy jaǵdaı áli de máz emes. Latyn Amerıkasynyń tórt memleketi Brazılııa, Perý, Chılı jáne Meksıka aýrý kórsetkishteri eń nashar álemdegi elderdiń alǵashqy ondyǵyna kirdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT