AQSh-ta er adam ushaq ornynan qozǵala bergen sátte sekirip ketti
2021 jylǵy 5 jeltoqsan 15:04

AQSh-ta er adam ushaq ornynan qozǵala bergen sátte sekirip ketti

NUR-SULTAN. QazAqparat – Er adam Arızona shtatyndaǵy Fınıks Skaı-Harbor halyqaralyq áýejaıynda ornynan qozǵalyp, ushýǵa bet alǵan ushaqtan sekirgen. Bul týraly CNN agenttigi Southwest Airlines áýe kompanııasyna silteme jasap habarlaıdy.

Oqıǵa Kolorado-Sprıngs baǵytynda ushyp kele jatqan 4236 reısinde bolǵan.

«Aldyn ala málimetter boıynsha, ushaq kelgen jolaýshylar úshin shyǵý joldarynyń birine qaraı jyljyp bara jatqanda, borttaǵy jolaýshy ushaqtan (áýe kemesiniń) artqy bóligindegi lıýk arqyly shyqqan» - dedi Southwest Airlines ókili Den Lendson.

Sodan keıin kapıtan ushaqty toqtatyp, avıatsııalyq-dıspetcherlik qyzmetti habardar etken. Er adam ushý-qoný jolaǵyna qulap, aıaǵyn jaraqattap alǵan.

Áýejaıda ornalasqan órt sóndirý bóliminiń ókili Todd Kellerdiń aıtýynsha, ózi olardyń ǵımarattaryna jetip, bólmelerdiń birine kirgen de esikti ashpaı qoıǵan.

«Birneshe mınýttan keıin órt sóndirýshiler er adamdy esikti ashýǵa kóndirgen, sodan keıin tekserip, qajetti kómek kórsetken jáne aıaǵyn jaraqattap alǵan ony aýrýhanaǵa jetkizgen», — dep naqtylady Keller.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT