+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

AQSh-ta 9 jasar bala tórt adamnyń ólimine kináli dep tanyldy

2019 jylǵy 10 qazan 14:00
Bólisińiz:
AQSh-ta 9 jasar bala tórt adamnyń ólimine kináli dep tanyldy

ChIKAGO. QazAqparat – «Dońǵalaqtaǵy úıdi» órtedi dep kúdiktelgen 9 jastaǵy balaǵa birinshi deńgeıdegi adam óltirý aıyby taǵylyp otyr. Órt saldarynan úsh bala men eki eresek adam kóz jumǵan, dep habarlaıdy QazAqparat AR News-ke silteme jasap.

6 sáýir kúni bolǵan oqıǵanyń saldarynan bir jasar sábı men 2 jastaǵy eki bala jáne 34 jastaǵy er adam men 69 jastaǵy áıel adam kóz jumdy.

Qaıǵyly oqıǵa Chıkagonyń ońtústik-batysyna qaraı 240 shaqyrym jerdegi Gýdfıld eldi mekenindegi Timberline mobıldi úıler parkinde bolǵan.

Výdford okrýginiń tergeýshisi Tım Rýstman órt qasaqana qoıylǵanyn málim etti.

«Bul ońaı sheshim bolǵan joq. Jap-jas balaǵa osyndaı aýyr qylmys jasady degen aıyp taǵylyp otyr. Tergeý sońyna deıin júrýi kerek dep oılaımyn», - dedi okrýg prokýrory Greg Mınger.

Mıngerdiń aıtýynsha, bala aıypty bop tanylǵan jaǵdaıda shartty túrde bosatylyp, kem degende 5 jylǵa polıtsııanyń baqylaýyna alynady. Sondaı-aq, terapııa seanstarynan ótýi yqtımal.

10 jasqa deıingi balalarǵa adam ólimine qatysty aıyp óte sırek taǵylatynymen, múldem bolmaıdy degen sóz emes.

Ótken aıda Mıchıgan shtatynyń sýdıasy Sterdjıstiń janyndaǵy úıinde anasyn atyp óltirdi dep aıyp taǵylǵan 9 jasar balanyń kinásiz ekenin málim etken edi. Sent-Djozef okrýgi otbasylyq bóliminiń sýdıasy Devıd Tomlınskon Mıchıgan shtatynyń zańy boıynsha bala 10 jasqa tolmaǵandyqtan quzyreti joqtyǵy týraly qaýly qabyldady.

Bizdiń kanalymyzǵa jazylyńyz:

Basty sózder: Qylmyspen kúres, Álem, Amerıka,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT