+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

AQSh pen Eýropa elderinde pandemııamen kúres kúsheıdi

2020 jylǵy 8 qarasha 11:40
Bólisińiz:
AQSh pen Eýropa elderinde pandemııamen kúres kúsheıdi

NUR-SULTAN. QazAqparat - Koronovırýs ınfektsııasynyń taralýy alpaýyt AQSh pen Eýropa elderinde áli kúsheıip tur. Qaýipti vırýspen kúresip jatqan elder jańadan shekteýler engizýde. Álemdi áýrelegen indettiń áli basylatyn túri baıqalmaıdy. Sholyp kórelik.

Uqsas jańalyqtar
QR SІM Nıderlandyǵa ushatyn Qazaqstan azamattaryna aqparat taratty Saılaý naýqany koronavırýs juqtyrǵandardyń kóbeıýine áser etken joq - DSM Batys Qazaqstanda bir aıda 100-ge jýyq bala koronavırýs juqtyrǵan

Polsha aýrýhanalarynda naýqastardy qabyldaıtyn oryndar jetispeı, kezekte turǵan jedel járdem kólikteri kóbeıgen. Bul eldiń bıligi keshe jańa shekteýler engiziletinin jarııalaǵan. Oǵan sáıkes barlyq kınoteatr men teatrlar, murajaı, qoǵamdyq jáne mýzykalyq ortalyqtar jabylady. Eger bul sharalar nátıje bermeı vırýs juqtyrǵandar kóbeıse jalpyulttyq karantın engizilmek.

AQSh-ta bir kúnde koronavırýs juqtyrǵandar sany 50 paıyzǵa ósken. Osydan eki kún buryn ǵana 125 myńnan astam jańa derek tirkeldi. Bul - pandemııa bastalǵaly bergi eń joǵary kórsetkish. Tipti, Aq úıdiń apparat basshysy Mark Medoýztyń ózi ınfektsııa juqtyrǵan. Sarapshylar aldaǵy ýaqytta Amerıkadaǵy koronavırýs ahýaly odan saıyn nasharlaı túsedi dep otyr. Óıtkeni qazir elde shamamen 11 myń adam jansaqtaý bóliminde jatyr eken. Eldiń keı óńirlerindegi aýrýhanalarda koronavırýs juqtyrǵan naýqastarǵa arnalǵan tósek-oryndar sany azaıyp barady. Bul densaýlyq saqtaý júıesiniń óte qıyn kezeńdi bastan ótkerip jatqandyǵyn kórsetedi.

Bir jaqsy jańalyq Belgııada. Koronavırýstyń ekinshi tolqyny sharyqtaý shegine jetip, qaıta tómendeı bastaǵanǵa uqsaıdy. Brıýsselde ótken baspasóz máslıhatynda Koroldiktiń koronavırýsqa qarsy shtabynyń resmı ókili solaı dedi. Onyń aıtýynsha, Belgııada ınfektsııanyń ekinshi tolqynynyń sharyqtaý shegi 27 qazanda ótken bolýyn múmkin. Sebebi sol kezde vırýs juqtyrý deregi 22 myńǵa jetken. Al sońǵy aptada kúnine orta eseppen 13 myń jańa derekten tirkelip otyrǵan. Bul aldyńǵy aptamen salystyrǵanda 16 paıyzǵa az. Statsıonarlarda 7 myńnan astam naýqas emdelip jatyr. Olardyń 1 400-ge jýyǵy jansaqtaý bóliminde. Jalpy indet bastalǵaly beri Belgııada 480 myńdaı adam ınfektsııaǵa shaldyqqan. 12 jarym myńǵa jýyq naýqas qaıtys bolǵan.

Portýgalııa aýrýhanalaryna koronavırýspen túskenderdiń sany ósken. Mamandardyń aıtýynsha, qazan aıynda indet kúrt kúsheıgen. Mysaly, naýryzdan qyrkúıektiń sońyna deıin qaýipti dertke shaldyqqandar sany 25 myńǵa jýyqtasa, qazan aıynda 55 myńǵa jetken. Eldegi ahýaldyń nasharlaýyna baılanysty el prezıdenti Marselý Rebelý de Soýza parlamentten kelesi aptadan bastap 15 kún tótenshe jaǵdaı engizýdi usyndy. Portýgalııada qazir koronavırýsty juqtyrǵandar 160 myńnan asady.

Frantsııada koronavırýs ınfektsııasynyń órshýine baılanysty ahýal nasharlaǵan. Bul elde sońǵy bir táýlikte 58 myń adam vırýs juqtyryp alǵan. Dárigerlerge túsken aýyrtpalyqty jeńildetý úshin úkimet áskerılerdi paıdalanyp, kóp zardap shegip jatqan aımaqtardaǵy naýqastardy ózge óńirlerge tasymaldaýǵa kóshti. Parıjde jańa shekteýler engizildi. Túnde tamaq satý men jetkizýge tyıym salyndy. Joǵarǵy synyp oqýshylarynyń bir bóligi qaıta qashyqtan oqýǵa aýystyryldy. Bılik halyq shekteýlerdi saqtamasa, indettiń ekinshi tolqyny uzaqqa sozylatynyn eskertti.

Norvegııa bıligi de aımaqta shekteý sharalaryn qataıtyp jatyr. Mamandar el turǵyndaryn sanıtarlyq talaptardy saqtap, úıden shyqpaýǵa shaqyrady. Sonymen qatar bir ýaqytta 5 adamnan artyq qonaq shaqyrýǵa, jınalýǵa bolmaıdy. Barlyq qoǵamdyq tamaqtaný oryndarynyń jumys ýaqyty qysqartylady. Al koronavırýsty anyqtaıtyn test nátıjesi joq jolaýshylar el aýmaǵyna kire almaıdy.

Grekııada qaýipti vırýstyń taralýyna baılanysty jańa shekteý sharalary qarasha aıynyń sońyna deıin jalǵaspaq. Endi turǵyndar asa qajettilik bolmasa úıden shyǵa almaıdy. Tek sebep bolǵan jaǵdaıda arnaıy nómirge habarlandyrý jiberý kerek. Sonymen qatar aýdanaralyq qatynasqa tyıym salynyp, aımaqtaǵy óndiris oryndarynyń jumysy toqtatylady. Bul shekteýlerdiń azyq-túlik dúkenderi, dárihana, medıtsınalyq ortalyqtar, mektepter men balabaqshalarǵa qatysy joq.

Vırýs juqtyrý deregi kóp tirkelgen elder osylaısha túrli shekteý sharalaryn engizip jatyr. Osy shekteýler oń áser eter bolsa, bári ońalar.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT