AQSh-pen dostyq qarym-qatynasta bolǵandy qalaımyn – Qasym-Jomart Toqaev
2022 jylǵy 21 maýsym 21:27

AQSh-pen dostyq qarym-qatynasta bolǵandy qalaımyn – Qasym-Jomart Toqaev

NUR-SULTAN. QazAqparat – Qazaqstan Prezıdenti retinde AQSh-pen ashyq, dostyq qarym-qatynasta bolǵandy qalaımyn.

Bul týraly Qazaqstan Prezıdenti Qasym-Jomart Toqaev Dohada ótip jatqan Qatar ekonomıkalyq forýmynyń «In Conversation with President Tokayev» arnaıy paneldik sessııasy barysynda aıtty, dep habarlaıdy QazAqparat BORT №1 Telegram kanalyna silteme jasap.

Jıyn barysynda moderator Qazaqstan basshysyna AQSh Prezıdentiniń OPEK aıasynda munaı óndirý kólemin arttyrý máselesine kúsh salyp jatqany týraly suraq qoıdy.

Moderator Manýs Krennı (Bloomberg): Baıden ákimshiligi Saýd Arabııasy bıliginen munaı kólemin arttyrýdy talap etip otyr. AQSh Prezıdenti Djo Baıdenniń saıasaty OPEK-ke tıimdi me ? Siz OPEK-tiń energoresýrstardy óndirý kólemin arttyrýdy qoldaıtyny týraly estidińiz be ? Baıdenniń bul máselege kózqarasy ońdy ma ?

Qasym-Jomart Toqaev: «Men sizdiń suraǵyńyzǵa jaýap berýge qınalyp turmyn. Men Qazaqstan Prezıdentimin jáne Amerıka Qurama Shtattarymen ashyq ári dostyq qarym-qatynasta bolǵandy qalaımyn»


Uqsas jańalyqtar
Seriktester jańalyqtary

Jańalyqtar

Úrdis

MURAǴAT