+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

AQSh Memlekettik hatshysy resmı saparmen Qazaqstanǵa keledi

2019 jylǵy 15 jeltoqsan 19:24
Bólisińiz:
AQSh Memlekettik hatshysy resmı saparmen Qazaqstanǵa keledi

NUR-SULTAN. QazAqparat - Amerıka Qurama Shtattarynyń Memlekettik hatshysy Maık Pompeo resmı saparmen Qazaqstanǵa keledi. Bul aqparatty QR Syrtqy ister mınıstrliginiń resmı ókili Aıbek Smadııarov rastady, dep habarlaıdy QazAqparat tilshisi.

Osy jyldyń 12 jeltoqsanynda Qazaqstannyń Syrtqy ister mınıstri Muhtar Tileýberdi AQSh Memlekettik hatshysy Maık Pompeonyń shaqyrýy boıynsha Vashıngtonǵa eki kúndik resmı saparmen barǵan edi. Sapar barysynda M.Tileýberdi Vashıngton qalasynda M.Pompeomen ekijaqty kezdesý ótkizdi.

«Mınıstr óziniń amerıkalyq áriptesimen kelissózder barysynda keń aýqymdaǵy máselelerdi talqylaǵan bolatyn. Ózderińizde biletindeı, AQSh-pen ekijaqty qarym-qatynasty jandandyra túsý júrgizilip jatyr. Amerıkalyq tarap úlken qyzyǵýshylyq tanytýda. TMD keńistiginde AQSh-pen keńeıtilgen strategııalyq seriktestikti ornatqan jalǵyz el Qazaqstan bolýy teginnen emes. Ol ekijaqty qarym-qatynastyń barlyq spektorlary boıynsha kópjaqty ózara is-qımylmen sıpattalady», - dedi QazAqparat agenttigine mınıstrdiń AQSh-qa resmı saparyna oraı pikir bildirgen Aıbek Smadııarov.

Sonymen qatar ol Muhtar Tileýberdi men Maık Pompeonyń ekijaqty kelissózderi barysynda AQSh Memlekettik hatshysynyń Qazaqstanǵa aldaǵy ýaqyttaǵy resmı sapary jaıy sóz bolǵandyǵyn aıtty.

«Tileýberdi saparynda qol jetkizilgen nátıjelerdiń biri Memlekettik hatshy Pompeonyń shaqyrýdy qabyl alýy boldy jáne ol kelesi jyldyń basynda Qazaqstanǵa resmı saparmen keledi. Biz qazirdiń ózinde osynaý saparǵa daıyndyqty bastap ta kettik. Baǵdarlama barynsha tolyqqandy bolady», - dedi QR SІM resmı ókili.

Aıta keteıik, osy aıda QR Premer-Mınıstri Asqar Mamın AQSh-qa jumys sapary aıasynda San-Frantsısko qalasyna baryp, onda tsıfrlyq damý, venchýrlyq qarjylandyrý jáne energetıka salasyndaǵy jetekshi álemdik kompanııalardyń basshylyǵymen kezdesýler ótkizgen edi.

Sondaı-aq sapar aıasynda «Báıterek» ulttyq basqarýshy holdınginiń enshiles uıymy «QazTech Ventures» AQ jáne «500 Startups» AQSh-tyń jetekshi venchýrlyq qory «QazTech Ventures» AQ-nyń V Jahandyq qorǵa qosylýy týraly kelisimge qol qoıdy.

Budan bólek, amerıkalyq agrobıznes ókilderimen Qazaqstanda et óńdeý kásiporyndaryn jáne sýarý júıeleri óndirisin ashý týraly ýaǵdalastyqtarǵa qol jetkizildi.

Al oǵan deıin, 24 qyrkúıekte Memleket basshysy Qasym-Jomart Toqaev Nıý-Iorkke jasaǵan saparynyń alǵashqy kúninde amerıkalyq iri kompanııalardyń basshylarymen kezdesti. QR Prezıdenti «Royal Dutch Shell» kompanııasynyń bas atqarýshy dırektory Ben Van Bardenmen munaı-gaz jobalaryn júzege asyrý jónindegi yntymaqtastyq jaıyn talqylap, «JPMorgan Chase & Co.» transulttyq kompanııasy Dırektorlar keńesiniń tóraǵasy jáne bas atqarýshy dırektory Djeımı Daımonmen qarjy ınstıtýttary arqyly ózara is-qımyl máselesin qarady. «Tyson Fresh Meats» kompanııasynyń prezıdenti Stıv Staýffermen jáne «Valmont Industries» kompanııasynyń bas atqarýshy dırektory Stıv Kanevskımen kezdesýinde aýyl sharýashylyǵy salasyndaǵy ınvestıtsııalyq jobalardy iske asyrý máselelerin qozǵady.

Kelesi kúni Qazaqstan Prezıdenti BUU Bas Assambleıasy 74-shi sessııasynyń resmı is-sharalary aıasynda AQSh Prezıdenti Donald Tramppen qysqa kezdesý ótkizdi. Áńgimelesý barysynda eki el kóshbasshylary Qazaqstan men Amerıkanyń keńeıtilgen strategııalyq seriktestiginiń ózekti máseleleri men perspektıvalaryn talqylady.

2019 jylǵy qańtar-qazan aralyǵynda eki el arasyndaǵy taýar aınalymy 1,8 mlrd doll. qurady. Qazaqstannan AQSh-qa eksporty 682 mln dollarǵa, al AQSh-tan Qazaqstanǵa ımport - 1,1 mlrd dollarǵa jetti. 2018 jyldyń qorytyndysynda Qazaqstan ekonomıkasyna salynǵan amerıkalyq ınvestıtsııa kólemi 5.3 mlrd AQSh dollaryn qurady. Jalpy alǵanda, AQSh-tan QR ekonomıkasyna tartylǵan tikeleı sheteldik ınvestıtsııalardyń jalpy kólemi 2005 jyldan bastap shamamen 40 mlrd dollarǵa jetip otyr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT