+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

AQSh, Kanada, Qytaı, Túrkııa, Germanııadan elordaǵa abaıtanýshylar keledi

2020 jylǵy 20 qańtar 17:58
Bólisińiz:
AQSh, Kanada, Qytaı, Túrkııa, Germanııadan elordaǵa abaıtanýshylar keledi

NUR-SULTAN. QazAqparat - Abaıdyń 175 jyldyq mereıtoıyna oraı elordada 300-den astam shara ótedi.

Uqsas jańalyqtar
Aq Jaıyqta Abaı jyly saltanatpen ashyldy Almatyda Abaıdyń 175 jyldyq mereıtoıyna arnalǵan ádebı mýzykalyq shara ótti Qaraǵandylyq áskerıler #Abai175 chellendjin qoldady

Bul týraly búgin elorda ákimdiginde ótken keńeıtilgen keńeste Nur-Sultan qalalyq tilderdi damytý jáne arhıv isi basqarmasynyń bastyǵy Tileýǵalı Qyshqashbaev aıtty, dep habarlaıdy QazAqparat tilshisi.

«Uly Abaıdyń 175 jyldyǵy bıyl atalyp ótetin eń mańyzdy mereıtoılardyń biri. Qazirgi ýaqytta qalalyq is-sharalar jospary jáne onyń tujyrymdamasy bekitilgen. Іs-sharalardy uıymdastyrý jumystary bastalyp ta ketti. Ótken jyldyń tamyz aıynda Tilderdi damytý jáne arhıv isi basqarmasy «Uly Abaıdyń izimen« degen ataýmen ǵylymı-tanymdyq sapar uıymdastyryp, zııaly qaýym ókilderinen quralǵan top Abaı eline saıahat jasap qaıtty.

Sonymen qatar Bilim basqarmasyna qarasty jasóspirimderdiń ólkentaný uıymdarynyń uıymdastyrýymen mektep oqýshylaryna arnalǵan ekskýrsııalyq týrdyń 1-kezeńinde Abaı eline elordalyq oqýshylar bardy. Ekinshi kezeń aldaǵy ýaqytta, jazǵy demalys kezinde jalǵasady. Sonymen qatar qyrkúıek aıynan bastap ashyq sabaqtar, tárbıe saǵattary, poezııa keshteri uıymdastyrylýda. Bul sharalar aldaǵy ýaqytta da jalǵasyn tabady», - dedi ol.

Onyń atap ótýinshe, 2020 jyly bekitilgen qalalyq josparǵa sáıkes, elrodamyzda ártúrli deńgeıde 300-deı shara ótedi. Mektepke deıingi mekemelerden bastap mektepterde, orta arnaýly oqý oryndarynda jáne joǵary oqý oryndarynda, mekemelerde, teatrlarda Abaı oqýlary, poezııa keshteri, kitap kórmeleri, Abaı joly qoıylymdary, tarıhı tanymdyq saıahattar, jas aqyndar poezııalyq keshteri, Abaı ánderi keshi, aqyndar aıtysy, tárbıe saǵattary jáne úkimettik emes uıymdarmen birlesken is-sharalar uıymdastyrylady. Sonymen qatar qalanyń iri saýda oryndarynda, saıabaqtarǵa, aıaldamalarda jáne adamdar kóp shoǵyrlanatyn oryndarda Abaıdyń qara sózderi men óleńderi aýdıo formatta taratylyp, qalanyń kórikti jerlerindegi taqtaıshalarǵa uly tulǵalardyń Abaı týraly aıtqan qanatty sózderi ornalastyrylady.

«Abaıdyń mereıtoıyna oraı ótetin sharalardyń mańyzdysy - qazan aıyna josparlanyp, respýblıkalyq josparǵa engen «Abaı jáne rýhanı jańǵyrý máseleleri« atty halyqaralyq ǵylymı-tájirıbelik konferentsııa. Bul sharaǵa elimizden bólek Abaıtaný salasyna eńbek sińirgen ǵalymdar, onyń ishinde Germanııanyń Gete ınstıtýtynan, Túrkııadan, Mońǵolııadan, Qytaıdan, Amerıkadan jáne Kanadadan, Tatarstan men Ázerbaıjan syndy ózge de memleketterden Abaıdyń shyǵarmashylyǵy men ómir jolyn zerttep júrgen zııalylar qatysady dep josparlanǵan», - dedi Tileýǵalı Qyshqashbaev.


Bizdiń kanalymyzǵa jazylyńyz:

Basty sózder: Nur-Sultan, Ákimdik, #Abai175,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT