AQSh áskerı áýe kúshteri gıperdybystyq zymyrandy synaqtan ótkizdi
2022 jylǵy 17 mamyr 15:07

AQSh áskerı áýe kúshteri gıperdybystyq zymyrandy synaqtan ótkizdi

NUR-SULTAN. QazAqparat – AQSh áskerı áýe kúshteri baǵdarlamadaǵy kidirister týraly habarlanǵannan soń bir aıdan keıin gıperdybystyq zymyrandy synaqtan sátti ótkizdi. Bul týraly QazAqparat edition.cnn.com-ǵa silteme jasap habarlaıdy.

Áýe negizindegi jedel áreket etý qarýy (ARRW) 14 mamyrda Ońtústik Kalıfornııa jaǵalaýyndaǵy B-52H bombalaýshysynan sátti atyldy jáne 5 Mah nemese dybys jyldamdyǵynan 5 ese joǵary gıperdybystyq jyldamdyqqa jetti.

«Bul qarý-jaraq kásiporny men bizdiń áýe kúshteri úshin jáne ARRW komandasynyń úlken jetistigi boldy», - dedi AQSh Áskerı-áýe kúshteriniń qarý-jaraq baǵdarlamasy jónindegi atqarýshy dırektory, brıgadır general Hıt Kollınz.

Pentagon AQSh-tyń Qytaı jáne Reseı baǵdarlamalarynan artta qalýyna baılanysty gıperdybystyq qarýdy damytýǵa kóp kóńil bóldi.


Uqsas jańalyqtar

Jańalyqtar

MURAǴAT