FÝTBOLDAN ÁLEM ChEMPIONATY-2022
  Jańalyqtar  >

Aqsaı qalasynda jol apatynan 14 adam zardap shegip, bireýi kóz jumdy

2022 jylǵy 29 qyrkúıek, 14:10
Aqsaı qalasynda jol apatynan 14 adam zardap shegip, bireýi kóz jumdy

ORAL. QazAqparat – Aqsaı qalasynda jol apatynan 14 adam zardap shegip, bireýi kóz jumdy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, keshe keshkisin jeńil kólik jolaýshylar tasıtyn «GAZel» avtokóligimen túıisti.

«Jedel járdem saǵat 18:21-de shaqyryldy. Jol apaty saldarynan barlyǵy 14 adam jaraqat aldy. Sonyń ishinde 72 jastaǵy áıel jaraqattary saldarynan aýrýhanada qaıtys boldy. 64 jastaǵy áıeldiń jaǵdaıy ortasha aýyr, ol hırýrgııalyq bólimshege jatqyzyldy. Qalǵan 12-si ambýlatorııalyq em alýǵa jiberildi», - dep habarlady vedomstvodan.

BQO polıtsııa departamentiniń baspasóz qyzmeti oqıǵany rastap, tolyǵyraq aqparat keıin beriletinin jetkizdi.

Eske sala keteıik, budan buryn avtokólik qaǵyp ketken er adamnyń jaǵdaıy óte aýyr ekendigin jazǵan bolatynbyz.







Seriktester jańalyqtary

Jańalyqtar