+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqparatqa qol jetkizý: Mınıstrlik salanyń álsiz tustaryn atady

2021 jylǵy 27 mamyr 13:07
Bólisińiz:
Aqparatqa qol jetkizý: Mınıstrlik salanyń álsiz tustaryn atady

NUR-SULTAN. QazAqparat – Eldegi aqparatqa qol jetkizý salasynyń álsiz jáne basym tustary belgili boldy, dep habarlaıdy QazAqparat tilshisi.

Prezıdent Qasym-Jomart Toqaev Úkimetke Qazaqstandaǵy aqparatqa qol jetkizý salasynyń búgingi ahýaly týraly esep daıyndap, engizýdi tapsyrǵan bolatyn. Aqparat jáne qoǵamdyq damý mınıstrligi Aqparatqa qol jetkizý másleleri jónindegi komıssııanyń otyrysynda sol eseptiń jobasyn tanystyrdy.

Memleket pen qoǵam kommýnıkatsııalaryn damytý departamentiniń dırektory Bekzat Rahımovtyń aıtýynsha, bıyl birinshi ret ázirlengen bul esep Ekonomıkalyq seriktestik jáne damý uıymynyń usynymy boıynsha qolǵa alynǵanyn eske saldy.

«Esep 2020 jyldy qamtıdy. Sonymen birge 2015 jyly qabyldanǵan Aqparatqa qol jetkizý týraly zańnyń kúshine engen kezden bastap salada oryn alǵan ózgeristerdiń jalpylama taldaýy da bar. Aqparattardyń negizgi ıelenýshisi bolǵandyqtan, esep negizinen memlekettik organdardyń jumysyna baǵyttalǵan. Qoǵamdyq mańyzy bar aqparattardyń elge jetýin jáne qoljetimdi bolýyn qamtamasyz etýge birinshi kezekte osy organdar mindetti. Aldaǵy esepterde búkil aqparat ıelerin qamtý josparlanyp otyr. Bull jolǵy esepte áleýmettik jáne analıtıkalyq zertteýlerdiń qorytyndysy, qazaqstandyq jáne halyqaralyq qaýymdastyqtyń baǵalaýy kórinis tapqan», - dedi mınıstrlik mamany.

Departament dırektory aqparattyń qol jetkizýdiń qazaqstandyq modelin taldaý kezinde mynandaı basym tustardy anyqtaǵan.

Birinshiden, aqparatqa qol jetkizýdi retteıtin zań men onyń jumys isteýine jaǵdaı jasaıtyn zańnamalyq normalar bar. Ekinshiden, Aqparatqa qol jetkizý týraly zańnyń talaptary tek memleketti organdarǵa ǵana emes, kvazımemlekettik sektorǵa da, memlekettik qyzmet atqarýshylarǵa da birdeı mindet etiledi. Aqparattyń qoljetimdiligi qamtamasyz etetin zamanaýı tehnologııalar men tásilderdiń bar bolýy da basym tus retinde baǵalanyp otyr.

«Aqparattyń qoljetimdiligin baqylaıtyn quzertti organ bar jáne árbir memlekettik organda osyǵan jaýapty quzyretti tulǵa bar. Aqparatqa qol jetkizý jónindegi komıssııa qoǵamdyq pikir men múddeni eskerip otyrady. Memlekettik organdardyń ashyqtyǵyn jyl saıyn baǵalap otyrý jolǵa qoıylǵan», - deıdi Bekzat Rahımov.

Sondaı-aq, ol salanyń álsiz tustaryna da toqtaldy. Esep jobasyna súıensek, birinshi osal tus – Aqparatqa qol jetkizý týraly zańda shekteýler men «erekshelikterdiń» bolýy. Memleket pen qoǵam kommýnıkatsııalaryn damytý departamentiniń dırektory Bekzat Rahımovtyń aıtýynsha bul tetikter zańnyń quqyqtyq qoldanys aıasyn taryltýy múmkin.

«Ekinshi - azamattyń aqparatqa qol jetkizý quqyǵy buzylǵan jaǵdaıda shaǵym bildirý jáne baqylaý tetiginiń joqtyǵy. Úshinshi – Aqparatqa qol jetkizý týraly zańdy oryndamaǵany úshin jaýapkershiliktiń joqtyǵy. Tórtinshi – «Ashyq úkimet» portalynyń tehnıkalyq turǵydan eskirýi jáne qolaısyzdyǵy. Besinshi - memlekettik organdardaǵy bólimshelerdiń aqparatqa qol jetkizýdi qamtamasyz etetin ýákiletti tulǵalardyń kásibı deńgeıiniń tómen bolýy jáne vedomstvonyń aqparattyq ashyqtyqqa qaldyqtyq prıntsıppen qaraý. Altynshy – halyqtyń quqytyq saýattylyǵynyń tómendigi jáne bilýge quqyly ekenin túsiný deńgeıiniń álsizdigi», - dedi mınıstrlik ókili.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT