+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aqparat mınıstrligi LinkedIn resýrsynyń buǵattalýyna qatysty pikir bildirdi

2021 jylǵy 27 shilde 17:00
Bólisińiz:
Aqparat mınıstrligi LinkedIn resýrsynyń buǵattalýyna qatysty pikir bildirdi

NUR-SULTAN. QazAqparat – Aqparat jáne qoǵamdyq damý mınıstrligi LinkedIn ınternet resýrsynyń buǵattalýyna sebep bolǵan jaıtty atady, dep habarlaıdy QazAqparat tilshisi.

Vedomstvo taratqan málimet boıynsha, eldegi aqparat alańyna turaqty júrgiziletin monıtorıng kezinde LinkedIn resýrsynda ınternet-kazıno jarnamalaý, naqty adamdardyń atynan ashylǵan jalǵan akkaýnttardy tirkeý sııaqty Qazaqstan zańnamasyna qaıshy faktiler anyqtalǵan.

Mınıstrliktegilerdiń aıtýynsha, mundaı áreketter eldegi zańnamaǵa ǵana emes, atalǵan ınternet resýrstyń ishki erejelerine de qaıshy.

Naqty aıtsaq, resýrsty paılanaý týraly kelisimde «qatysýshylar jarııalanǵan aqparattyń senimdi jáne zańdy bolýy kerektigi» jáne «úshinshi tarapqa tıesili quqyqtardy buzbaýy kerek ekeni» aıtylǵan.

Al resýrstyń jarnama ornalastyrý erejesinde paıdalanýshylardy jańylystyrýǵa nemese olarǵa jalǵan aqparat berýge, qumar oıyndardy jarnamalaýǵa tyıym salynǵan.

«Osyǵan baılanysty, belgili bolǵan zań buzý faktileri boıynsha mınıstrlik QR «Baılanys týraly» Zańynyń 41-1-baby 3-1-tarmaǵynyń talaptarymen LinkedIn ınternet-resýrsynyń ákimshiligine anyqtalǵan zań buzý faktilerin joıý jáne sonymen baılanysty materıaldardy óshirý boıynsha sharalar qabyldaý kerektigin aıtyp, habarlama jiberdi. Alaıda, ókinishke qaraı, ınternet-resýrstyń ákimshiligi zań buzý faktilerin joıý boıynsha sharalar qabyldaǵan joq», - dep jazylǵan Aqparat jáne qoǵamdyq damý mınıstrliginiń málimetinde.

Joǵaryda aıtylǵan «Baılanys týraly» zańnyń 41-1-babynda kózdelgen tártip boıynsha, mınıstrlik zań buzý faktilerin joımaǵan resýrsty buǵatttaǵan.

LinkedIn ákimshiligi vedomstvo nusqaǵan zań buzý faktilerin joıǵan jaǵdaıda resýsrqa qoıylǵan buǵat alynady.

«Mınıstrlik Qazaqstan zańnamasynyń talaptaryn saqtaý máselesinde árqashan syndarly dıalog quryp, ınternet-resýrs ákimshiligimen yntymaqtastyqty jolǵa qoıý ustanymyn saqtaıdy», - dep jazylǵan Aqparat jáne qoǵamdyq damý mınıstrliginiń aqparatynda.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT