+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Aqparat mınıstri qazaqstandyqtardyń kólik júrgizý mádenıeti týraly aıtty

2019 jylǵy 5 jeltoqsan 22:13
Bólisińiz:
Aqparat mınıstri qazaqstandyqtardyń kólik júrgizý mádenıeti týraly aıtty

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev elimizde jol-kólik oqıǵalarynyń jıileýine baılanysty pikir bildirdi, dep habarlaıdy QazAqparat.

Uqsas jańalyqtar
«Nur Otan» Saıası keńesi otyrysynda qandaı máseleler talqylanady Mınıstr Abaev qazaqstandyqtar Qytaıdan qalaı evakýatsııalanǵanyn aıtyp berdi «Ońtústik Qazaqstan» gazeti 95 jyldyq mereıtoıyn atap ótti

«Eń aldymen, qaza tapqandardyń otbasylary men jaqyndaryna kóńil aıtamyn. Prezıdent tapsyrmasy boıynsha, olarǵa barlyq qajetti kómek kórsetiledi. Barlyq zardap shekkenderdiń saýyǵyp ketýin tileımin. Shynynda da, jol ústindegi qaza – memleket jiti baqylaýǵa alǵan úlken másele», - dedi mınıstr «Habar» arnasyndaǵy «Ashyq dıalog» baǵdarlamasynda.

Sonymen birge, mınıstr mas kúıinde kólik júrgizgenderdi qatań jazalaý týraly Memleket basshysynyń tapsyrmasyn eske saldy.

«Qazir kóshelerge beınebaqylaý júıeleri kóptep ornatylyp jatyr. Jol jabyny sapasy, ınfraqurylym, jaryqtandyrý qolǵa alyndy. Osynyń arqasynda 2013 jyldan beri apattar sanyn 32%, mert bolǵandar sanyn - 31% azaıta aldyq. Biraq, kólik aıdaý mádenıeti, jolda júrý mádenıeti bolmasa, memlekettiń sharalary bosqa jasalady. Barlyq apattyń 77% jolda júrý erejesin buzǵannan bolady», - dedi ol.

Onyń aıtýynsha, kólik júrgizýshileri kóp jaǵdaıda erejeni sanaly túrde buzady.

«Eskertý belgilerin elemeıdi, jyldamdyqty kóbeıtedi, mas kúıinde rýlge otyrady, baǵdarshamnyń sary túsine ótip ketýge tyrysady. Bizdiń qaýipsizdigimiz tek óz qolymyzda. Qarapaıym aksıoma bolsa da, esten shyǵaryp júrmiz. Jolda júrý erejesin tolyq úırenbesek, kameralar da, jol sapasy da bizge kómektespeıdi», - dedi D. Abaev.

Eske sala ketsek, 3 jeltoqsan kúni «Qyzylorda-Qumkól» tasjolynda jolaýshylar avtobýsy jol apatyna túsip, aýdarylǵan bolatyn. Oqıǵa saldarynan 8 adam qaza taýyp, 21 adam emdeý oryndaryna jatqyzyldy.

Memleket basshysy Qasym-Jomart Toqaev oqıǵa saldarynan kóz jumǵan marqumdardyń jaqyndaryna kóńil aıtty.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT