Aqpanda qamalǵan Mańǵystaý oblysy ákiminiń orynbasary Ǵalymjan Nııazov qyzmetine qaıta kiristi
2022 jylǵy 25 mamyr 09:50

Aqpanda qamalǵan Mańǵystaý oblysy ákiminiń orynbasary Ǵalymjan Nııazov qyzmetine qaıta kiristi

AQTAÝ. QazAqparat - Mańǵystaý oblysy ákiminiń orynbasary Ǵalymjan Nııazov qyzmettik mindetterin atqarýǵa qaıta kiristi, dep habarlaıdy QazAqparat Mańǵystaý oblysy ákiminiń baspasóz qyzmetine silteme jasap.

Budan buryn habarlanǵandaı , Mańǵystaý oblysy ákiminiń orynbasary Ǵalymjan Nııazovtyń ustalǵany týraly aqparat 24 qańtarda jarııalanǵan.

Qarjy monıtorıngi agenttigi bul derekti 4 aqpanda resmı rastady.

Sheneýniktiń eki aıǵa qamaýǵa alynǵany habarlandy.

Ǵalymjan Nııazov suıytylǵan munaı-gazyn jetkizý salasyna jaýapty bolǵan. Oǵan qyzmettik ókiletin asyra paıdalandy degen aıyp taǵyldy.

17 aqpanda sot tergeýshiniń bultartpaý sharasyn «úıqamaqqa» ózgertý týraly ótinishin qanaǵattandyrdy.

Osy ýaqyt boıy ákim orynbasary jalaqysyz eńbek demalysynda bolǵan.


Uqsas jańalyqtar

Jańalyqtar

MURAǴAT