+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Aqordadaǵy Qazaqstan men Belarýs kelissózderiniń nátıjesi qandaı boldy

2019 jylǵy 25 qazan 18:38
Bólisińiz:
Aqordadaǵy Qazaqstan men Belarýs kelissózderiniń nátıjesi qandaı boldy

NUR-SULTAN. QazAqparat – Búgin Aqordada QR Prezıdenti Qasym-Jomart Toqaev Belarýs Prezıdenti Aleksandr Lýkashenkonyń Qazaqstanǵa resmı sapary ózara túsinistik jáne senim rýhynda ótkenin málim etti. Osy oraıda Memleket basshysy bul mańyzdy sapardyń oıdaǵydaı tabysty bolǵanyn rızashylyqpen atap ótip, eki eldiń arasyndaǵy ýaǵdalastyqtar men kelisimder Qazaqstan men Belarýs halyqtarynyń ıgiligin arttyrýǵa tyń serpin beretinine senim bildirdi.

Qasym-Jomart Toqaev pen Aleksandr Lýkashenko shaǵyn quramda, sondaı-aq keńeıtilgen quramda kelissózder júrgizip, kún tártibindegi ekijaqty aýqymdy máselelerdi qarastyrdy. Bul turǵyda negizgi talqylaýlar saýda-ekonomıkalyq áriptestikti keńeıtý baǵytynda órbidi. Munymen qosa, memleketter basshylary saıası, mádenı-gýmanıtarlyq salalar men halyqaralyq qurylymdar aıasyndaǵy ózara is-qımyldardy da egjeı-tegjeıli qamtydy.

Qazaqstan Prezıdenti kelissózder qorytyndysy boıynsha qol qoıylǵan qujattar eki memleket arasyndaǵy yntymaqtastyqty tereńdetý úshin jasalǵan mańyzdy qadam sanalatynyn jetkizdi.

Atap aıtqanda, QR Úkimeti men Belarýs Úkimeti arasyndaǵy kóshi-qon salasyndaǵy yntymaqtastyq týraly kelisimge, QR Bas prokýratýrasy men Belarýs Tergeý komıteti arasyndaǵy yntymaqtastyq týraly kelisimge, QR Ulttyq qaýipsizdik komıteti men Belarýs Prezıdenti janyndaǵy Jedel-taldaý ortalyǵy arasyndaǵy jedel-tehnıkalyq saladaǵy yntymaqtastyq jáne ózara is-qımyl jasaý týraly kelisimge, eki el syrtqy ister mınıstrlikteri arasyndaǵy 2020-2021 jyldarǵa arnalǵan yntymaqtastyq josparyna, QR Tsıfrlyq damý, ınnovatsııalar jáne aeroǵarysh ónerkásibi mınıstrligi men Belarýs Ulttyq ǵylym akademııasy arasyndaǵy Jerdi qashyqtyqtan zondtaý derekterimen almasý salasyndaǵy yntymaqtastyq týraly kelisimge qol qoıyldy.

Qazaqstan men Belarýs saýda salasynda uzaqmerzimdi jospardy qabyldaıdy

Qazaqstan Prezıdenti Eýrazııalyq ekonomıkalyq odaqtyń zor múmkindikterin paıdalanyp, qazirgi kórsetkishterdi odan ári arttyrý kerektigin qadap aıtty.

«Elderimizdiń qazirgi qarym-qatynasy ózara memleketaralyq yqpaldastyq aıasynda tabysty ári tıimdi damyp kele jatyr. Onyń negizin QR Tuńǵysh Prezıdenti — Elbasy Nursultan Nazarbaev jáne Belarýs Respýblıkasynyń Prezıdenti qalady. Sondyqtan bul sapardy Qazaqstan men Belarýs arasyndaǵy jemisti strategııalyq seriktestiktiń jalǵasy dep sanaımyn», - dedi QR Memleket basshysy.

Osy oraıda Q. Toqaev búgin Aqordada shaǵyn jáne keńeıtilgen quramda kelissózder júrgizilgenin, ekijaqty jáne óńirlik, halyqaralyq máseleler talqylanǵanyn, ózara baılanystyń birqatar mańyzdy baǵyttary boıynsha ortaq pikir bolǵanyn atap ótti.

«Eń aldymen, saýda-ekonomıka salasyndaǵy yntymaqtastyqty damytý múmkindikterin talqyladyq. Byltyrdyń qorytyndysy boıynsha ózara saýda kólemi shamamen 800 mln dollar boldy. Bul jaqsy úrdis, biraq jetkilikti emes. Sondyqtan bul jumys keleshekte de jalǵasyn tabady dep úmittenemin. Sonymen qatar, Eýrazııalyq ekonomıkalyq odaqtyń zor múmkindikterin paıdalanyp, qazirgi kórsetkishterimizdi odan ári arttyrýymyz kerek. Úkimetterimiz eki elge jetkizilgen taýarlardyń sanyn kóbeıtý, ózara saýda-sattyqty ulǵaıtý máselelerin pysyqtaýy tıis. Bul baǵytta bir-birimizge qolaıly jaǵdaı jasaýdyń mańyzy zor. Osyǵan oraı arnaıy uzaqmerzimdi jospardy qabyldaımyz dep ýaǵdalastyq», - dedi QR Prezıdenti.

Aıta keteıik, Belarýs delegatsııasymen kelissózder barysynda óndiristik baılanystardy kúsheıtýge basa nazar aýdaryldy.

Qazirgi ýaqytta Qazaqstanda Belarýs kapıtalynyń qatysýymen 340-qa jýyq kásiporyn jumys isteıdi. Osy rette segiz birlesken kásiporyn iri ónerkásip jáne aýyl sharýashylyǵy tehnıkasyn shyǵarýmen aınalysady eken. Osy kompanııalardyń tıimdi jumys isteýine qatysty máselelerdi jan-jaqty talqylandy.

Memleket basshysynyń sózine qaraǵanda, aýyl sharýashylyǵy jáne áskerı-tehnıkalyq yntymaqtastyq salalary boıynsha qosymsha birlesken eki-úsh jobany júzege asyrý múmkindigin qarastyrý jóninde kelisimge qol jetkizildi. Keshe Nur-Sultan qalasynda ótken qazaq-belarýs bıznes-forýmy iskerlik baılanystardy ilgeriletýge tyń serpin berdi. Forýmnyń qorytyndysy boıynsha 11 kelisimshartqa qol qoıyldy.

Óz kezeginde Belarýs Prezıdenti Aleksandr Lýkashenko Qazaqstan men Belarýs kez kelgen máseleni ashyq ári esh búkpesiz talqylaıtynyn aıtty.

«Qazaqstan-Belarýs qatynastarynyń deńgeıi búginde bizdiń elderdiń strategııalyq múddelerine tolyq saı keledi. Bul jaıynda shaǵyn quramdaǵy kezdesý barysynda naqtylaǵan bolatynbyz. Bul óz kezeginde kóp jyldar boıy júrgizilgen jumystardyń nátıjesi dep bilemiz. Osy oraıda bizge bolashaqqa mańyzdy josparlardy qurýǵa jol ashyp otyr», - dedi Aleksandr Lýkashenko.

Belarýs Prezıdenti resmı Mınsk pen Nur-Sultan arasynda barlyq deńgeılerde ózara is-qımyldyń ońtaıly tájirıbesi bar ekenin atap ótti. «Bul rette ózara senimniń deńgeıine toqtalsaq, biz kez kelgen máseleni ashyq ári esh búkpesiz talqylaımyz. Búgingi shaǵyn quramdaǵy kezdesý barysynda ekonomıkalyq salada dıalogty nyǵaıtýǵa erekshe ekpin qoıdyq. Qazaqstan -bizdiń negizgi saýda seriktesimiz. Úsh jylda taýar aınalymyn eki eseden astam ósirdik», - dedi Aleksandr Lýkashenko.

Belarýs Prezıdenti eki eldiń arasyndaǵy úılestirilgen taýar aınalymyna qol jetkizý boıynsha Qazaqstan tarapynyń usynysyn qarastyrýǵa daıyn ekendikterin jetkizdi.

Sonymen qatar ol Qazaqstanmen yntymaqtastyqta óz eli úshin mańyzdy basym baǵyttardy atady.

«Basymdyqty baǵyt retinde ónerkásiptik kooperatsııany ary qaraı damytýdy aıqyndadyq. ıAǵnı bizdi jaı ǵana saýdadan birlesken kásiporyndar qurýmen kooperatsııalyq baılanystarǵa kóship jatyrmyz. Bul baǵytta eki el aýmaǵynda Belarýs jáne Qazaqstan azamattary jumys isteıdi», - dedi ol Aqordada.

Sonymen qatar, A. Lýkashenko qol jetkizilgen kelisimder týraly, sondaı-aq kombaındar jáne ózge de aýyl sharýashylyǵy tehnıkasy óndirisin arttyrý jaıynda aıtty.

«Biz Mınsk traktor zaýytynyń tehnıkasyn Qazaqstanda shyǵarý strategııasyn aıqyndadyq. Ónerkásiptik kooperatsııamen qatar, eki el arasynda basqa da salalarda yntymaqtastyqty nyǵaıtý úshin eleýli áleýet bar. Bul rette aýyl sharýashylyǵy, kólik jáne logıstıka, jol qurylysy, munaıhımııasy kesheni, ІT-tehnologııa, ǵaryshty beıbit maqsatta ıgerý baǵyttary bar», - dedi ol.

Aıta keteıik, dástúrli túrde Belarýs tarapyn Qazaqstanda óndirilgen metall, astyq, maqta talshyǵy, munaı ónimderi jáne basqa da ónimder qyzyqtyrady. Munymen qosa, Belarýs munaı jetkizilimin ártaraptandyrý máselesine erekshe nazar aýdaryp otyr. Sondyqtan da Qazaqstannan osy shıkizat ımportyna múddeli.

Mádenıet salasyndaǵy baılanystar nyǵaıtylmaq

Memleket basshysy Qasym-Jomart Kemeluly eki el arasyndaǵy mádenı-gýmanıtarlyq baılanystardy, ǵylym jáne bilim salasyndaǵy yntymaqtastyqty odan ári damytý mańyzdy dep sanaıtynyn aıtty.

«Tyǵyz mádenı-gýmanıtarlyq baılanystar — eki el dostyq qatynastarynyń mańyzdy faktory. Osy oraıda elder arasyndaǵy baılanystar shyǵarmashylyq zııaly qaýym, oqý oryndary jáne ǵylymı uıymdar tarapynan qoldaý taýyp keledi. Biz aldaǵy jyly Belarýs eliniń ataqty mádenıet qaıratkerleri Qazaqstanǵa kelip, qazaq qoǵamdastyǵy aldynda óner kórsetedi dep kelistik», - dedi Prezıdent.

Osy oraıda Memleket basshysy keıinnen Qazaqstannyń belgili mádenıet qaıratkerleri, ártisteri Mınskke jáne ózge de qalalarǵa baratynyn atap ótti

Prezıdent kelissózder barysynda Uly Jeńistiń 75 jyldyǵyn atap ótý máselesi de kóterilgenin jetkizdi.

«Sol surapyl jyldary barlyq keńes halqy sııaqty qazaq-belarýs halyqtary da nemis basqynshylaryna tize qosyp qarsy shyqty. Basqynshylar áskeriniń alǵashqy soqqysyn qabyldaǵan Belarýs eń aýyr shyǵynǵa ushyrady. Biz ákelerimizdiń eren erligin umytýǵa haqymyz joq. Qaza tapqan jaýyngerlerdiń rýhyna taǵzym etýge mindettimiz», – dedi Q. Toqaev.

Aıta keteıik, búgin Aqordada Belarýs Prezıdenti Aleksandr Lýkashenko QR Prezıdenti Qasym-Jomart Toqaevty Mınskke saparmen kelýge shaqyrdy.

«Qazaqstan Prezıdentin aldaǵy jyly Belarýske resmı saparmen kelýge shaqyrdym. Bul sapar búgingi ýaǵdalastyqtardyń oryndalýyn, sondaı-aq qol qoıylǵan kelisimderdiń atqarylýyn qadaǵalaýǵa múmkindik beredi», - dedi A.Lýkashenko Aqordada.

Sonymen qatar ol júrgizilgen mańyzdy talqylaýlar úshin QR Prezıdentine alǵysyn aıtty.

«Búgingi kezdesýdegi konstrýktıvti qadamdar úshin alǵysymdy aıtqym keledi. Osy oraıda bizdiń elder men halyqtardyń ıgiligine barlyq kúsh-jigerimdi salýǵa daıynmyn. Qazaqstan halqyna aıtarym, sizder Belarýspen tyǵyz baılanys ornatqandaryńyz óte durys. Biz mindetterimizdi jáne ýádemizdi oryndaıtyn elmiz, sáıkesinshe eshkimdi jarǵa jyǵyp ketken emespiz. Sondyqtan sizder úshin senimdi el retinde bolýǵa qaýqarlymyz. Eýrpanyń ortasynda sizderdiń de jerlerińiz bar ekenin bilip júrińizder», - dedi Aleksandr Lýkashenko Qazaqstan halqyna arnap aıtqan sózinde.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT