+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Aqordada Abaı men ál-Farabı mereıtoıyna daıyndyq jónindegi komıssııa otyrysy ótti

2020 jylǵy 13 aqpan 12:27
Bólisińiz:
Aqordada Abaı men ál-Farabı mereıtoıyna daıyndyq jónindegi komıssııa otyrysy ótti

NUR-SULTAN. QazAqparat - Búgin Aqordada QR Memlekettik hatshysy Qyrymbek Kósherbaevtyń tóraǵalyǵymen Abaıdyń 175 jyldyq jáne Ábý Nasyr ál-Farabıdiń 1 150 jyldyq mereıtoıyna daıyndyq jáne ótkizý jónindegi memlekettik komıssııanyń otyrysy ótti, dep habarlaıdy QazAqparat tilshisi.

«Ózderińizge belgili, el óńirlerinde osy uly tulǵalardyń mereıtoılarynyń resmı bastalýy ótken aıda saltanatty jaǵdaıda ashyldy. Atap aıtsaq, 21 qańtarda Nur-Sultan qalasyndaǵy «Astana Opera» teatrynda Elbasynyń jáne Memleket basshysynyń qatysýymen Abaıdyń 175 jyldyq mereıtoıynyń alǵashqy jylashar rásimi ózindik mazmunymen, erekshe saltanatymen ótkizildi. Sondaı-aq 29 qańtarda Almaty qalasyndaǵy Ál-Farabı atyndaǵy Qazaq ulttyq ýnıversıtetinde halyqaralyq uıymdar ókilderiniń jáne sheteldik, otandyq ǵalymdardyń qatysýymen Ál-Farabıdiń 1150 jyldyq mereıtoıyn atap ótýdi bastaýdyń resmı rásimi uıymdastyryldy», - dedi otyrysty ashqan Memlekettik hatshy.


Onyń aıtýynsha, atalǵan sharaǵa 30-dan astam memleketten delegatsııa qatysqan.

«Bizdiń endigi maqsatymyz Memleket basshysy Qasym-Jomart Toqaevtyń halyqqa Joldaýynda atap ótkenindeı, Ál-Farabıdiń 1150 jyldyq, Abaı Qunanbaıulynyń 175 jyldyq mereıtoılaryn ysyrapshyldyqqa jol bermeı ǵulama tulǵalarymyzdyń eńbekterin halyq arasynda, ǵalamda keńinen dáripteýimiz kerek. Sonymen birge Memleket basshysynyń taıaýda jaryq kórgen «Abaı jáne 21 ǵasyr« atty maqalasynda belgilengen keleli mindetterge oraı memlekettik komıssııa jumysynyń jaýapkershiligi odan ary arta tústi dep oılaımyn. Atalǵan maqalaǵa baspasóz betinde ún qosqan zııaly qaýym ókilderi men otandastarymyzdan Abaı murasyn nasıhattaýǵa baılanysty kóptegen usynystar kelip tústi. Jurtshylyqtyń bul usynystaryn barsha ortalyq jáne jergilikti atqarýshy organdar jumys barysynda qaperge alýy tıis dep esepteımiz»,- dedi Qyrymbek Kósherbaev.


Qyrymbek Eleýulynyń aıtýynsha, Memleket basshysynyń tapsyrmasyna sáıkes, osy mereıtoıdy ótkizýdiń jalpy respýblıkalyq josparlary ońtaılandyrylyp bekitildi. Qazirgi ýaqytta iske asyrylyp jatyr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT