+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Aqmolalyqtar koronavırýs indetiniń ekinshi tolqynyna daıyndalyp jatyr

2020 jylǵy 20 qyrkúıek 10:50
Bólisińiz:
Aqmolalyqtar koronavırýs indetiniń ekinshi tolqynyna daıyndalyp jatyr

KÓKShETAÝ. QazAqparat – Aqmola oblysynda jeke qorǵanys, dári-dármek jáne dárilik preparattardyń 2-3 aılyq qory jasalǵan. Bul týraly oblystyq densaýlyq saqtaý basqarmasynyń basshysy Súlen Іlıasov aıtty, dep habarlaıdy QazAqparat tilshisi.

Uqsas jańalyqtar
DDSU pandemııa bastalǵaly COVID-19 juqtyrýdyń rekordtyq sanyn tirkedi Japonııada 2021 jyly jańa týǵan náresteler sany kúrt azaıýy múmkin Zańsyz aınalymnan 10 mıllıonnan astam býma dári-dármek tárkilendi

Basqarma basshysynyń aıtýynsha, búgingi tańda óńirde kornavırýsqa qatysty jaǵdaı turaqtalǵan.

«Koronavırýspen baılanysty jaǵdaıdy turaqtandy. Qazir statsıonarda vırýs juqtyrǵan 80 naýqas em qabyldaýda. Densaýlyq jaǵdaıy aýyrlar bar. Olar jansaqtaý bóliminde dárigerlerdiń baqylaýyna alynǵan. Al jaǵdaıy óte aýyr naýqastar joq.», - deıdi Súlen Іlıasov.

Sonymen qatar, basqarma basshysy óńirde indettiń ekinshi tolqynyna qyzý daıyndyq júrgizilip jatqanyn atap ótti.

«Dári-dármekpen qamtamasyz etý máselesine toqtalsaq, aýrýhanalardyń barlyǵynda jeke qorǵanys, dári-dármek jáne dárilik preparattardyń 2-3 aılyq qory jasalǵan. Koronavırýs indetiniń ekinshi tolqynyna daıyndalyp jatyrmyz. Osy maqsatta jergilikti bıýdjetten 166 mıllıon teńge qarjy bólinip, dári-dármek satyp alynýda. Sonymen birge, «SK-Farmatsııa»-men kelisimshart jasap, qazir qajetti dári-dármek jetkizilýde. Qazan aıynda tórt aıdyń qory jasalady», - dep tolyqtyrdy Súlen Іlıasov.

Budan bólek, óńirde alǵy shepte júrip, koronavırýs ınfektsııasyn juqtyryp aýyrǵan medıtsına qyzmetkerlerine járdemaqy tóleý jumystary da júrgizilýde.

«Іndet taraǵaly beri óńirde on bes medıtsına qyzmetkeri kóz jumǵan. Olardyń beseýiniń týystary komıssııanyń qaraýyna ótemaqy alý úshin ótinish bergen. Arnaıy komıssııa tólem alýǵa ruqsat berdi jáne olar tıisti aqshasyn aldy. Al, qalǵany ókinishke qaraı, Densaýlyq saqtaý mınıstrliginiń buıryǵyndaǵy talaptarǵa saı kelmedi. 122 medıtsınalyq qyzmetker 2 mıllıon teńgeden járdemaqysyn aldy. Sonymen birge, tıisti sanattaǵy 224 adam tólemderin kútip otyr. Olar vırýstyń belgileri bilinbeıtin túrimen aýyrǵan jáne ambýlatorııalyq jaǵdaıda em qabyldaǵan», - dep túıindedi basqarma basshysy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT