+7 (701) 759 90 19
USD 419.96 EUR 510.88
RUB 5.72 CNY 64.97
Jańalyqtar

Aqmolalyq jýrnalıst polıtsııaǵa qarjy pramıdasyn qurýshylarmen birlesip kúresý týraly usynys aıtty

2020 jylǵy 26 qarasha 22:14
Bólisińiz:
Aqmolalyq jýrnalıst polıtsııaǵa qarjy pramıdasyn qurýshylarmen birlesip kúresý týraly usynys aıtty

KÓKShETAÝ. QazAqparat – Aqmola oblysynyń Polıtsııa departamentiniń bastyǵy Armanbek Baımýrzın turǵyndardy qabyldady , dep habarlaıdy QazAqparat tilshisi.

Epıdemıologııalyq jaǵdaıǵa baılanysty ótkizilgen onlaın qabyldaýda polıtsııa departamentiniń bastyǵy biraz jyl buryn otbasylyq jaǵdaıǵa baılanysty jumystan shyǵyp ketken ishki ister organdarynyń eki qyzmetkerin qaıta qyzmetke qabyldaý máselesin sheshti.

Budan bólek, Zerendi aýdanyndaǵy kásipker júginip, alty jylqysy men sıyrynyń joǵalǵanyn aıtyp, urylardy tabýǵa kómek surady. Kásipkerdiń sózin tyńdaı kele, general-maıor tergeý jáne krımınaldy polıtsııa bólimshesine barlyq jaǵdaıdy zerttep, qysqa merzim ishinde qylmysty ashýdy tapsyrdy.

Armanbek Hákimbekuly kásipkerge qarjylyq uıym bergen nesıeni tóleý merzimin ýaqytsha keıin shegerýge kómektesýge ýáde berdi.

Sondaı-aq, jergilikti jýrnalıst PD bastyǵyna qarjy pramıdasyn qurýshylarǵa qatysty qylmystyq isti tergeýde tergeý jáne anyqtaý organdaryna atsalysqysy keletindigi týraly usynys jasady.

Onlaın qabyldaýda vedomstvo basshysyna Kókshetaý qalasynyń turǵyny saýalmen júginip, Zerendi aýdanynyń turǵyny, kópbalaly ananyń 2020 jyly týǵan balaǵa durys kútim jasamaı otyrǵandyǵyn aıtty. Áıeldiń sózinshe, onymen kópbalaly ananyń arasynda jańa týǵan balany tárbelýge qatysty daý týǵan. Sol sebepti, balanyń bıologııalyq anasy polıtsııaǵa júginip otyr. Buǵan qosa, áıel ákesiniń ólimine qatysty qozǵalyp, búgingi kúni toqtatylǵan qylmystyq isti tergeý sharasyn vedomstvo basshysynyń jeke baqylaýyna alýdy ótindi.

Armanbek Baımýrzın aryzdaǵan azamatshaǵa qylmystyq is qaıta jalǵasyp, onyń barysyn óziniń jeke baqylaýyna alatynyn aıtyp túsirdi.

Bir saǵatqa sozylǵan onlaın rejımdegi qabyldaý kezinde vedomstvo basshysyna oblys turǵyndary tarapynan barlyǵy alty saýal qoıyldy.

Osy rette, tártip saqshylary karantındik shekteýlerdiń kúsheıtilýine baılanysty Polıtsııa departamentiniń ákimshilik ǵımaratynda jáne aýmaqtyq basqarmalary men polıtsııa bólimderinde ornalasqan azamattardy qabyldaý ýaqytsha toqtatylǵanyn eskertedi. Oblystyń kez kelgen turǵyny ózderin tolǵandyrǵan jáne quqyq qorǵaý organdarynyń qyzmetine qatysty saýaldaryn vedomstvo basshysyna joldaı alady.

Ol úshin Polıtsııa departamentinde vedomstvolyq áleýmettik jeli jáne elektrondy poshta jumys isteıdi.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT