+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aqmolalyq oqýshylar Ybyraı Altynsarınniń murasyn zertteýde

2021 jylǵy 28 qyrkúıek 12:51
Bólisińiz:
Aqmolalyq oqýshylar Ybyraı Altynsarınniń murasyn zertteýde

KÓKShETAÝ. QazAqparat - Ybyraı Altynsarınniń 180 jyldyǵyna arnalǵan onkúndik aıasynda Aqmola oblysynyń bilim berý uıymdarynda mektep oqýshylary, kolledj stýdentteri, ata – analar qaýymdastyǵynyń qatysýymen «Ybyraı Altynsarınniń murasy-máńgilikke qazyna» atty synyptan tys taqyryptyq is-sharalar ótkizildi, dep habarlaıdy QazAqparat tilshisi.

Uqsas jańalyqtar
Qaraǵandy oblysynyń balabaqshalarynda memlekettik tapsyrys kólemi ulǵaıtyldy Aqmolalyq atlet álem chempıonatynyń kúmis júldegeri atandy Shahtınsk qalasynda múgedek balalardy damytý ortalyǵy  jabylyp qalýy múmkin

Aqmola oblystyq bilim basqarmasynyń málimetinshe, is-shara ZOOM platformasy arqyly onlaın formatta da ótti. Oǵan 170 myńnan astam oqýshy men stýdent, 800 myńǵa jýyq pedagog pen 2300-ge jýyq ata-ana qatysty.

«Uly jazýshyǵa arnalǵan «Qazaq dalasynyń alǵashqy ustazy» taqyrybynda mektep oqýshylary men stýdentter arasynda ótkizilgen prezentatsııalar baıqaýyn, oqýshylar sheshendik ónerde jáne Ybyraı Altynsarınniń shyǵarmalaryn mánerlep oqýda jarysqan «Sóz qudireti», «Kel, balalar, oqylyq» atty mánerlep oqý saıysyn erekshe atap ótken jón.

«Ybyraı Altynsarınniń uly murasy», «Ybyraı Altynsarınniń shyǵarmashylyǵy» atty aqparattyq saǵattaryn ótkizý barysynda bilim alýshylar men stýdentter uly ustazdyń eńbekterin taldap jáne test tapsyrmalaryna jaýap bere otyryp, ózderiniń shyǵarmashylyq qabiletin kórsete bildi», - dedi vedomstvodan.

Bastaýysh synyp oqýshylary úshin synyp jetekshileri «Ybyraı Altynsarınniń balalyq shaq álemine saıahat» atty saıahat sabaqtaryn ótkizip, sabaq barysynda balalardy uly aǵartýshynyń ómirimen tanystyrdy. Shyǵarmalar negizinde sýretter, applıkatsııalar, kompozıtsııalar jasaldy.

Oblystyń bilim berý uıymdarynyń kitaphanashylary jazýshynyń shyǵarmashylyq qyzmeti týraly foto, kitap kórmelerin uıymdastyryp jáne oqýshylarmen tanymdyq vıktorınalar, shyǵarmalarǵa sholý ótkizdi. Sondaı-aq slaıd - prezentatsııalar, beınerolıkter tıimdi paıdalanyldy.

Gýmanıtarlyq baǵyttaǵy pán muǵalimderi onlaın formatta ata-analardyń qatysýymen «Ulttyń uly ustazy» atty ádebı keshter uıymdastyryldy.

Osyndaı is-sharalar oqýshylarǵa, stýdent jastardyń ata-analaryna Ybyraı Altynsarınniń pedagogıkalyq murasynyń tarıhymen jaqynyraq tanysýǵa kómektesedi.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT