+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Aqmolalyq oqýshy men onyń baýyry álemniń úzdik balalarynyń tizimine endi

2020 jylǵy 22 qarasha 04:00
Bólisińiz:
Aqmolalyq oqýshy men onyń baýyry álemniń úzdik balalarynyń tizimine endi

KÓKShETAÝ. QazAqparat – Aqmolalyq 13 jastaǵy Nurıza Eljas pen onyń 11 jastaǵy baýyry Nurdáýlet álemniń úzdik balalarynyń qatarynan tabyldy.

Uqsas jańalyqtar
ShQO-da tarıhı-ólketaný mýzeıinde selfı kúni ótti Shoqyný meıramy: 1500-den astam aqmolalyq sýǵa shomyldy Qazaqtyń «Taqııaly perishtesi» ómirden ozdy

Apaly inili oqýshylar óz ónerimen «Qazaqstandaǵy №1» jýrnalǵa, odan keıin «Álemniń úzdik balalary» halyqaralyq resmı saıtyna endi, dep habarlaıdy QazAqparat tilshisi.

Bir kúni balalardyń anasy Ásemgúl Isenovaǵa baspahanadan habarlasyp, onyń qyzy Nurıza týraly jazýǵa ruqsat suraıdy. Al Ásemgúl Isenova balalaryn usynǵan muǵalimderdiń kim ekeni de esinde joq bolyp shyǵady.

«Árıne, qandaı ata-ana balasynyń jýrnal betinde úzdikter qatarynan kórgisi kelmeıdi. Biz ata-ájemizben birge turamyz, olardy nemereleriniń jetistikterimen qýantqymyz keldi», - dedi QazAqparat tilshisine áńgime barysynda Á.Isenova.

Oqýshynyń mundaı bıikterden kórinýi tekten tek emes. Jasyna qaramastan oqýshy qyzdyń qol jetkizgen jetistikteri men marapattary jeterlik. Buǵan qosa, Nurıza sabaǵyn «beske» oqıdy, jáne Birjan sal atyndaǵy mýzyka kolledjinde fortepıano úıirmesine qatysady.

Nurıza Abaıdyń 175 jyldyǵyna arnalǵan baıqaýǵa qatysyp, esse jazýdan ekinshi oryn aldy. Al, N.Nazarbaevtyń «Uly dalanyń jeti qyry» maqalasy sheńberinde uıymdastyrylǵan «Men jáne meniń álemim» fotobaıqaýynyń «Kollaj» atalymy boıynsha ekinshi orynnan kórindi.

2017 jyly Nurızanyń anasy onyń barlyq óleńderin jınap, shaǵyn jınaq qylyp shyǵardy. Ol kezde qyz Kókshetaý qalalyq №1 orta mekteptiń tórtinshi synybynda oqıtyn kezi. Qazirgi kezde, Nazarbaev fızıko-matematıka baǵytyndaǵy ıntellektýaldy mektebinde bilim alýda.

«Qazir qyzym 8 synypta oqıdy. Sýret salýdy jáne kitap oqyǵandy unatady, aǵylshyn jáne frantsýz tilderin úırenýde. Er jetkende psıholog jáne jýrnalıst bolýdy armandaıdy», - deıdi Á.Isenova.

Anasy qyzymen birge, uly Nurdáýletti de baıqaýdyń irikteýi týryna jibergen. Nurdáýlette sabaǵyn jaqsy oqıdy, aǵashtan túrli buıymdar jasaýǵa áýes, aǵylshyn tilin úırenýde.

Ol «Anama syılyq!» respýblıkalyq baıqaýynda ekinshi oryn aldy. Sol kezde, ol jip pen temir symnan gúl shoǵyn jasady. Sonymen birge, ol «Qysqy peızaj» respýblıkalyq baıqaýynyń «Qysqa sýret» atalymy boıynsha úzdikter qatarynan kórindi. Apaly inili Nurıza men Nurdáýlettiń esimderi maqalada jarııalanǵannan bólek, «Álemniń úzdik balalary» halyqaralyq resmı saıtyna engendigi týraly sertıfıkat pen Alǵys hatqa ıe boldy.


Avtory: Oksana Matasova
Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT