Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Aqmolalyq kásipker Atbasarda «aqyldy» aýyl salmaqshy

2019 jylǵy 22 shilde 11:57 310
Bólisińiz:
Aqmolalyq kásipker Atbasarda «aqyldy» aýyl salmaqshy

KÓKShETAÝ. QazAqparat - Aqmolalyq kásipker Atbasar aýdanynda sharýashylyq júrgizip otyrǵan eldi mekendi «aqyldy aýylǵa» aınaldyrýdy kózdep otyr. Bul týraly óńir basshysy Ermek Marjyqpaevtyń Atbasar aýdanyna sapary kezinde aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Sapary barysynda óńir basshysy aldymen aýdandaǵy iri aýyl sharýashylyǵy taýarlaryn óndirýshi, Pokrovka aýylynda ornalasqan «Árip-Agro» seriktestiginde boldy. Sharýashylyq aýdanda «aqyldy» aýyl salýdy josparlap otyr. Bul týraly oblys ákimi Ermek Marjyqpaevqa seriktestik basshysy Ýálıhan Áripov aıtyp berdi.

«Men ulym Ǵalymjanǵa aıttym: «Ivan Adamovıch Saýer osydan 50 jyl buryn respýblıka boıynsha úlgili atanǵan aýyldyń qurylysyn bastady. Al, sen áli 30-da ǵanasyń. Bul agroqalashyq bolady. Birinshi kezekte, biz óz jumysshylarymyz úshin 50 jeke turǵyn úı salatyn bolamyz», - dep óziniń aldaǵy josparymen bólisti Ýálıhan Áripov.



Investor aýyldy tsıfrlandyrý jumystaryn jergilikti mektepten bastady. Bilim ordasynda kúrdeli jóndeý jumystary júrgizilip, robottehnıkasy, ІT – synyptary jabdyqtaldy. Búgingi tańda atalmysh bilim ordasy eýropalyq standartqa saı jabdyqtalǵan aýdandaǵy eń úzdik mektepter qatarynda.

Sonymen qatar, kásipker aýyl aýmaǵynda quny 1,5 mıllıard teńge bolatyn ınvestıtsııalyq jobany júzege asyrýdy josparlap otyr. ıAǵnı, 2020 jyly ekologııalyq taza suly qaýyzyn óndiretin zaýytty iske qosylady. Shıkizat «Árip-Agro» seriktestiginiń óz egistik alqaptarynan alynady. Jabdyqtardy daqyldardy tereń óńdeıtin Shveıtsarııanyń Bühler kompanııasy ornatyp beredi.



Oblys basshysy aýyldy tsıfrlandyrý bastamasyn qoldaıtyndyǵyn, sondaı-aq, joba júzege asyrylǵan kezde eńbek ónimdiligi artyp, aýyl turǵyndarynyń ómir súrý sapasy artatynyn atap ótti.

Aýylda aýyz sý máselesi kóp jyldan beri túıitkildi bolyp keldi. Metsenat Áripov bul máseleni sheshýdi qolǵa aldy. Sharýashylyq sýbktileriniń qarajatyna jobalyq-smetalyq qujattamasyn ázirlep qoıǵan. Ótken jyly sýqubyry jelisiniń qurylysy úshin respblıkalyq bıýdjetten 100 mıllıon teńgeden astam qarjy bólindi. Merdigerler qyrkúıek aıynda aýyl turǵyndary taza aýyz sýyna qol jetkizedi dep otyr.



Budan keıin, oblys ákimi Atbasar qalasynda kóktemgi sý tasqynynan zardap shekkenderge arnalyp salynǵan kóppáterli 12 turǵyn úıdiń qurylysy, avtomobıl joldaryn qalpyna keltirý jáne áleýmettik jaǵynan az qamtylǵan otbasylarǵa arnalǵan 45 páterli eki turǵyn úıdiń qurylysy jumystaryna nazar aýdardy.

Osy oraıda, aýdan ákimine Amanbek Qaljanovqa qurylys jumystaryn baqylaýǵa alyp, merdigerlerdiń jumysty sapaly ári kestege saı júrgizýin qamtamasyz etýdi tapsyrdy.

Sonymen qatar, oblys ákimi mashınaqurylysy salasyndaǵy iri kásiporyn «Qamqor-Lokomotıv» seriktestigi men jylý qazandyǵynda bolyp, búgingi jaı-kúıimen tanysty.





Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT