Aqmoladaǵy eki emhana balalarǵa mindetti tegin medıtsınalyq qyzmetti tolyq kórsetpegen
2022 jylǵy 5 shilde 20:47

Aqmoladaǵy eki emhana balalarǵa mindetti tegin medıtsınalyq qyzmetti tolyq kórsetpegen

KÓKETAÝ. QazAqparat - Aqmola oblysyndaǵy Stepnogor qalasynda oryn tepken Viamedis JShS emhanasy men «Býrabaı aýdandyq emhana» ShJQ MKK kámeletke tolmaǵan balalarǵa medıtsınalyq qyzmetti tolyq kólemde kórsetpegen, dep habarlaıdy QazAqparat.

Aımaqtaǵy prokýratýranyń málimetinshe, Stepnogor qalasynyń jáne Býrabaı aýdanynyń prokýratýralary kámeletke tolmaǵandardy kepildendirilgen tegin medıtsınalyq kómekpen qamtamasyz etý máselesi boıynsha densaýlyq saqtaý salasynda taldaý júrgizgen.

«Densaýlyq saqtaý mekemeleri jyl saıyn kámeletke tolmaǵan balalardy tegin medıtsınalyq tekserýden ótkizýge mindetti. Alaıda, Stepnogor qalasynda 2021 jyldyń ózinde medıtsınalyq tekserýge jatatyn 17 807 balanyń ishinen emhana 7 246 balany ǵana qamtydy. Prokýrorlyq qadaǵalaý aktisi boıynsha 19 myńnan astam kámeletke tolmaǵan balanyń konstıtýtsııalyq quqyqtary qorǵaldy, sonymen qatar, emhanaǵa buzýshylyqtardy qysqa merzimde joıýdy jáne qalanyń, aýdannyń barlyq kámeletke tolmaǵan balalaryn tegin medıtsınalyq tekserýmen qamtamasyz etý mindetteldi», - dep jazdy vedomstvodan.

Eske sala keteıik, osy ýaqytqa deıin «Oqjetpes» shıpajaıynyń qyzmetkerleri kólik keptelisi jumysty tejeıtinine shaǵymdanǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT