+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aqmolada turǵyn úılerge ýly gazdy anyqtaıtyn 574 qurylǵy ornatyldy

2019 jylǵy 23 qazan 13:48
Bólisińiz:
Aqmolada turǵyn úılerge ýly gazdy anyqtaıtyn 574 qurylǵy ornatyldy

KÓKShETAÝ. QazAqparat - Aqmolada turmysy tómen jáne kópbalaly otbasylardyń úılerine tútin men ýly gazdy anyqtaıtyn 574 qurylǵy ornatyldy. Bul týraly óńirlik kommýnıkatsııalar qyzmetinde ótken brıfıngte Aqmola oblystyq tótenshe jaǵdaılar departamentiniń órt qaýipsizdigi salasy boıynsha baqylaý-profılaktıkalyq qyzmet basqarmasynyń basshysy, azamattyq qorǵanys polkovnıgi Denıs Shelkoplıasov aıtty, dep habarlaıdy QazAqparat tilshisi.

Oblys aýmaǵynda ótken órt qaýipsizdigi aılyǵynyń qorytyndysy talqylanǵan brıfıngte 2019-2020 jylǵy jylý maýsymy kezinde jeke turǵyn úılerde oryn alatyn tótenshe jaǵdaılardy aldyn alý jáne kúresý baǵytynda qolǵa alynǵan sharalar aıtyldy.

Denıs Shelkoplıasovtyń málimetinshe, jyl basynan beri oblys aýmaǵynda 695 órt oqıǵasy tirkelip, odan 13 adam ajal qushqan, 157 mıllıon 534 myń teńgeden astam materıaldyq shyǵyn kelgen. Bul – ótken jyldyń sáıkes kezeńimen salystyrǵanda birshama az kórsetkish. Muny árıne, oblystyq tótenshe jaǵdaılar departamenti qyzmetkerleriniń órt qaýipsizdigin aldyn alý maqsatynda ákimdikter men kommýnaldyq kásiporyndardyń ókilderi jáne jeke adamdarmen jylý maýsymy barysynda birigip ótkizgen sharalarynyń nátıjesi deýge bolady.

Osy baǵytta órt qaýipsizdigi aılyǵy kezinde oblystyq tótenshe jaǵdaılar departamenti men jergilikti atqarýshy organdardyń qyzmetkerleri, aýdıtorlyq uıymdar jáne eriktilermen birlesip 65 649 adamdy qamtyǵan 32 352 jeke turǵyn úıge baryp qaýipsizdik sharalaryn túsindirý jumystaryn júrgizipti. Sonymen qatar, 6 858 adamdy qamtyǵan 250 jınalys ótkizgen. Degenmen, shara kezinde 1279 úıde adam bolmasa, 2884 jaǵdaıda úı ıeleri tótenshe jaǵdaılar departamentiniń qyzmetkerlerin úılerine kirgizbegen.

«Jyl saıyn jylý berý maýsymy bastalysymen órt shyǵý qaýpi de arta túsedi. Adam ólimine ákep soqtyratyn tilsiz jaýdyń beleń alýyna negizinen mas kúıinde temeki tuqylyn durys sóndirmeý, otty abaısyz paıdalaný, pesh jáne elektr jelisi qurylǵylaryn qoldanǵan kezde órt qaýipsizdigi erejeleriniń durys saqtalmaýy sebebinen bolyp otyr. Aılyq sheńberinde ótken tekseris kezinde pesh, gaz ballony men elektr jelisine qatysty 8152 órt qaýipsizdigi talaptarynyń buzylǵany anyqtaldy. Sondyqtan, aldaǵy ýaqytta da bizdiń departament tarapynan qalalar men aýdandarda órt qaýipsizdiginiń aldyn alý maqsatyndaǵy josparly keshendik jumystar júrgizile beredi, – deıdi Denıs Shelkoplıasov.

Brıfıng barysynda turmysy tómen jáne kópbalaly otbasylardyń úılerine tútin men ýly gazdy anyqtaıtyn qurylǵylardy ornatý jumystary sııaqty aldyn alý sharalary da aıtyldy.

«Oblys aýmaǵynda osyndaı 574 qurylǵy ornatyldy. Jyl sońyna deıin taǵy 300-den astamyn ornatý josparlap otyrmyz. Bul jumystar jergilikti ákimdiktermen birlesip atqarylýda», dep túıindedi Denıs Shelkoplıasov.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT