+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Aqmolada «Shańyraq» shyǵarmashylyq baıqaýynyń jeńimpazdary marapattaldy

2019 jylǵy 29 qarasha 17:54
Bólisińiz:
Aqmolada «Shańyraq» shyǵarmashylyq baıqaýynyń jeńimpazdary marapattaldy

KÓKShETAÝ. QazAqparat - Kókshetaýda aımaq basshysy Ermek Marjyqpaevtyń tóraǵalyǵymen Qazaqstan halqy Aqmola assambleıasynyń 22-shi sessııasy ótti, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Uqsas jańalyqtar
Qazaqstan halqy Assambleıasy Prezıdent bastamalaryn júzege asyrýǵa kómektesedi Biz birgemiz: Aqmola oblysynda assambleıa músheleri muqtaj jandarǵa kómektesýde

«Birlik pen kelisim – qoǵamdy áleýmettik jańǵyrtýdyń negizi» taqyrybymen ótken sessııa jumysyna assambleıa músheleri, etnomádenı jáne dinı birlestikterdiń tóraǵalary, máslıhattardyń depýtattary, memlekettik organdardyń, saıası partııalardyń, ÚEU basshylary, BAQ ókilderi qatysty.

Qazaqstan halqy Aqmola assambleıasynyń tóraǵasy sessııany ashyp, elimiz óziniń damýynda qoǵam ómiriniń barlyq salalarynda aýqymdy ózgerister júrgizilip jatqan jańa tarıhı kezeńge qadam basqanyn aıtyp ótti.

«Qazaqstan halqy Assambleıasynyń 27-shi sessııasynda Nursultan Ábishuly Nazarbaev qoǵamda turaqtylyqty saqtaý men nyǵaıtýǵa baǵyttalǵan tetikterdiń budan ári jumyldyrylǵan jáne tıimdi jumysyn qamtamasyz etý mindetin júktedi», – dedi Ermek Marjyqpaev.

Sonymen qatar, aımaq basshysy oblystyq assambleıa hatshylyǵyna tıisti basqarmalarmen birlesip óńirde «Tuńǵysh Prezıdenttiń jolymen» halyqtyq ekspedııatsııasy» jobasyn júzege asyrýdy, memlekettik tildi oqytý boıynsha «Mámile» klýbynyń jumysyn kúsheıtýdi, medıatsııany damytý boıynsha jumysty jandandyrýdy tapsyrdy.

Kelesi jyly Qazaqstanda birqatar mereıtoılar atap ótiledi. Olar - Konstıtýtsııa men Qazaqstan halqy Assambleıasynyń 25 jyldyǵy, Uly Jeńistiń 75 jyldyǵy, Abaı Qunanbaevtyń 175 jyldyǵy, Shoqan Ýálıhanovtyń 185 jyldyǵy, Ál Farabıdiń 1150 jyldyǵy.

«Etnomádenı birlestikter men QHA músheleri mereıli jyly bilim berý, áleýmettik jobalar ázirlep júzege asyrýlary, qaırymdylyq aktsııalaryn ótkizýleri kerek. Jumys keshendi jáne júıeli sıpatta bolaýy qajet», – dedi aımaq basshysy.

Sesssııa barysynda Qazaqstan halqy Aqmola assambleıasy tóraǵasynyń jańa orynbasary – Norık Ashotovıch Maglamıan tanystyryldy, sonymen qatar Aqmolalyq QHA-nyń jańa quramy bekitildi.

Oblystyq assambleıanyń belsendi músheleri saltanatty túrde oblys ákiminiń alǵys hattarymen marapattaldy, sondaı-aq, jýrnalıstıka salasyndaǵy «Shańyraq» oblystyq shyǵarmashylyq baıqaýynyń jeńimpazdaryna baǵaly syılyqtar tabys etildi.

Sessııanyń qorytyndysy boıynsha úndeý qabyldandy, onda Aqmola assambleıasy oblys halqyn qoǵamdaǵy turaqtylyqty, etnosaralyq kelisim men birlikti nyǵaıtýǵa shaqyrdy.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT