+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Aqmolada ónerkásip salasyndaǵy ósim 103 paıyzǵa jetti

2019 jylǵy 14 qarasha 13:28
Bólisińiz:
Aqmolada ónerkásip salasyndaǵy ósim 103 paıyzǵa jetti

KÓKShETAÝ. QazAqparat  - Memleket basshysy Qasym-Jomart Toqaev jumys saparymen Kókshetaýda júr, dep habarlaıdy QazAqparat tilshisi.

Uqsas jańalyqtar
QR Prezıdentiniń memlekettik nagradalardy tapsyrý rásiminde sóılegen sóziniń tolyq mátini Memleket basshysy: Álemdik arenadaǵy elimizdiń bedelin nyǵaıtýǵa mindettimiz Qazaq tili órkenıettiń oı-pikirin qalyptastyratyn tildermen qatar turýy kerek - Memleket basshysy

Sapar aıasynda Memleket basshysy Aqmola oblysy aktıvimen kezdesti. Kezdesýde aımaq basshysy Ermek Marjyqpaev oblystyń 2019 jyldyń on aıyndaǵy áleýmettik-ekonomıkalyq damýy týraly esebi tyńdaldy.

«Oblys búgingi tynys-tirshiligimen qatar, damý kórsetkishi elimiz úshin mańyzdy mindettiń qatarynda. Óz Joldaýymda aıtyp ótkendeı, ekonomıkalyq ósimdi jáne tyń ózgeristerdi elimizdiń ár azamaty sezinýi qajet. Biz halyqtyń ál-aýqaty arttyrýda basty nazarda ustaýymyz kerek. Óńirimizde turatyn azamattardyń turmys sapasy joǵary standarttarǵa saı bolýy tıis. Bul eń aldymen jergilikti halyq turǵyn úı, áleýmettik qoldaý, ınfraqurylym sııaqty ıgilikterdi kórýleri tıis degen sóz. Sol sebepti barlyq deńgeıdegi ákimdikter jumysty jańa talapqa saı, tıimdi uıymdastyrýy qajet. Osyǵan oraı, búgingi jıynda Aqmola oblysyn damytý máselelerin qaraıtyn bolamyz», - dedi aktıv jıynyn ashqan Memleket basshysy.

Budan ári oblys ákimi aımaqtyń 2019 jyldyń on aıyndaǵy áleýmettik-ekonomıkalyq damý kórsetkishteri týraly esep berdi.

«Eń aldymen, Elbasy alǵa qoıǵan strategııalyq mindetter men Prezıdenttiń bıylǵy Qazaqstan halqyna Joldaýynyń basym baǵyttaryn júzege asyrý boıynsha júrgizilip jatqan jumystarǵa toqtala ketsem. Óńirdiń bıylǵy toǵyz aıdaǵy áleýmettik-ekonomıkalyq damý kórsetkishteriniń jaqsarǵanyn baıqaýǵa bolady. Oblys ekonomıkasynyń kórsetkishi 103,2 paıyz boldy. Ónerkásip salasynda - 103 paıyz, aýyl sharýashylyǵy salasynda - 100 paıyzdan astam, qurylys salasynda - 125 paıyz ósimge qol jetkizildi», – dedi oblys ákimi.

Aımaq basshysy keltirgen málimettterge qaraǵanda, oblysta negizgi kapıtalǵa salynǵan ınvestıtsııa kólemi de ósip otyr. Investıtsııa tartý máselesine Memleket basshysy kóp kóńil bólip otyr. Jyl basynan beri oblys ekonomıkasyna 267 mıllıard teńge kóleminde ınvestıtsııa tartyldy. Bul ótken jyldyń sáıkes kezeńimen salystyrǵanda 11 paıyzǵa joǵary. Onyń ishinde jeke ınvestıtsııa úlesi 80 paıyzǵa deıin artyp otyr.

Aıta keteıik, Memleket basshysy óńirge sapary kezinde Kókshetaý qalasyndaǵy polıetılen, polıpropılen jáne kaltsıı karbonatynan joǵary sapaly ári memlekettik jáne halyqaralyq standarttarǵa saı túrli qaptar men «Bıg-beg» konteınerlerin óndiretin «Asyl arman» JShS, «Akaı» kıim atelesi jáne halal et ónimderin shyǵaratyn «Bıjan» JShS jumysymen tanysady dep josparlanǵan.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT