+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Aqmolada óndiristik nysandar iske qosylyp, kópbalaly otbasylar baspanaly boldy

2019 jylǵy 16 jeltoqsan 11:41
Bólisińiz:
Aqmolada óndiristik nysandar iske qosylyp, kópbalaly otbasylar baspanaly boldy

KÓKShETAÝ. QazAqparat - Táýelsizdik merekesine oraı Aqmola oblysynda birqatar óndiris oryndary jáne turǵyn úı paıdalanýǵa berildi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Uqsas jańalyqtar

Máselen, Aqkól aýdanynyń Qarasaı aýyldyq okrýgynda «Akkol beef» jaýapkershiligi shekteýli seriktestigi ashyldy. Bul jobanyń jalpy quny - 320 mıllıon teńge. Et óndirý baǵytynda qazaqtyń aqbas sıyryn ósirýdi qolǵa alǵan kásiporynnyń jobalyq qýaty jylyna 100 bas iri qarany quraıdy. Bastapqyda munda 5 adam eńbek etse, tolyq qýatyna shyqqan kezde jumysshy sanyn 10-ǵa deıin jetkizý josparda bar.

Jańa nysannyń ashylýyna Aqkól aýdanynyń ákimi Alpysbaı Qaıyrjanov qatysyp, quttyqtaý sóz sóıledi.

«Mundaı fermalar aýyldaǵy jańa jumys oryndary, kepildi jalaqy men salyq, eń bastysy - aýyl ómiriniń gúldenýine septigin tıgizedi. Munda mal sharýashylyǵyn damytýǵa qolaıly jańa tehnologııalar men jabdyqtar qoıylǵan. Bul aýdanymyz jáne tutas elimizdiń ekonomıkasyna zor úlesin qosady. Memlekettiń qoldaýynyń arqasynda zamanaýı óndiris oryndary ashylýda. Barshańyzdy elimizdiń eń basty meıramy – Táýelsizdik kúnimen jáne aýdanymyzdaǵy jańa aýyl sharýashylyq nysanynyń ashylýymen shyn júrekten quttyqtaımyn. Et óndirisi joǵary sapada ári básekege qabiletti bolýyn tileımin», - dedi aýdan ákimi.

Nysannyń ashylý saltanatynan keıin sharaǵa qatysýshylar et baǵytyndaǵy fermany aralap, jumysymen tanysty.

Táýelsizdik merekesi ýchınsk qalasynyń bes otbasy úshin qos birdeı merekege aınaldy. Býrabaı aýdanynyń ákimi Áset Muzdybaev mádenıet úıinde kópbalaly otbasylarǵa óz qolymen kópten kútken páter kiltin tabys etti.

«Jańa qonys ıelerin kópten kútken qýanysh – baspanaǵa qol jetkizýimen quttyqtaımyn. Ár otbasynda bereke men birlik bolsyn», – dedi aýdan ákimi Áset Muzdybaev.

Al, Birjan sal aýdany Stepnıak qalasynyń turǵyny Anastasııa Táýkelova «Eńbek» memlekettik baǵdarlamasy sheńberinde «Jas kásipker» jobasy boıynsha «Eco cleaning» ekologııalyq quraldarymen jumsaq jıhazdar men kilemderdi hımııalyq tazartý ornyn ashty. Ol «Táýkelova» jeke kásipkerliginiń ashylýyna atalmysh baǵdarlama boıynsha 505 000 teńge somasyna grant aldy. Jańa óndiris ornynda kilemder, jumsaq jıhazdar hımııalyq tazartýdan ótkiledi, sondaı-aq, kıim jýý boıynsha qyzmet kórsetiledi.

Budan bólek, aýdan ákimi Ermek Nuǵymanovtyń qatysýymen kópbalaly otbasylarǵa úsh páterli turǵyn úıdiń kiltteri tapsyryldy. Laýra Nuǵmanova, Klavdııa Sakýr jáne Nına Zykovalardyń otbasy kópten kútken baspanaǵa ıe boldy.

«Bizdiń birinshi kezektegi mindetimiz - halyqty áleýmettik qoldaý. Muqtaj adamdarǵa turǵyn úı berý - biz úshin úlken qýanysh. Qolǵa alynǵan baǵdarlamalar búginde sátti júzege asyrylýda. Sonymen qatar tıisti mekemelerge kelip, bilikti qyzmetkerlerdiń qataryn tolyqtyrǵan bilim jáne densaýlyq saqtaý salasynyń mamandary men kezektegi azamattar úshin 21 páterli turǵyn úıdiń qurylysy bastaldy. Munyń bári bizdiń azamattardyń ál-aýqatyn jaqsartýǵa baǵyttalyp otyr», – dedi Ermek Bekenuly.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT