+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqmolada kıikti qorǵaǵan ınspektorlarǵa oq atyldy

2019 jylǵy 23 shilde 13:56
Bólisińiz:
Aqmolada kıikti qorǵaǵan ınspektorlarǵa oq atyldy

NUR-SULTAN. QazAqparat – Aqmola oblysynda kıikti qorǵaǵan eki ınspektorǵa qarsy oq atyldy. Onyń biri aýyr jaǵdaıda jatyr, dep habarlaıdy QazAqparat.

«23 shildede shamamen saǵat 11.00-de «Ohotzooprom «ÓB» RMQK Ortalyq óńirlik fılıalynyń ınspektorlary Aqmola oblysy Jarqaıyń aýdanynda tabıǵatty qorǵaý zańnamasyn buzǵandardyń aldyn alý sharasyn júrgizgen jáne kıik atý faktisin anyqtaǵan. Zań buzýshylardyń izine túskende 10 óńirge – Qostanaı oblysyna tıesili aq tústi «Nıva» markaly avtokólikten (memlekettik nómiri belgisiz) oq atylyp, eki ınspektor jaraqat aldy», - dep jazdy QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet.

Inspektorlardyń biri es-tússiz aýyr jaǵdaıda jatyr.

Qazirgi ýaqytta jaraly ınspektorlar Derjavınsk qalasynyń aýdandyq aýrýhanasyna tasymaldanýda. Onda sanıtarlyq avıatsııa shaqyrylǵan.

«Aqmola oblysy Jarqaıyń aýdanynyń polıtsııa bólimi kúdiktilerdi izdep jatyr, olardy ustaý jospary jarııalandy. Qosymsha aqparat taǵy habarlanady», - dep jazdy Sáken Dilahmet.


Eske sala ketsek, jyl basynda Qaraǵandy oblysy Nura aýdanynyń aýmaǵynda kıik atqan brakonerler eki ınspektordy jaralaǵan edi. Aýyr jaraqat alǵan Erlan Nurǵalıev 15 qańtarda Astananyń №1 aýrýhanasynda kóz jumǵan edi.

Keıin Qyzylorda oblysynda júrgizilgen arnaıy operatsııa nátıjesinde jeke úılerdiń birinen Erlan Nurǵalıevtiń ólimine qatysty úsh kúdikti ustaldy.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT