+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aqmolada dombyra kúnine oraı baıqaýlar men chellendjder uıymdastyryldy

2021 jylǵy 4 shilde 22:24
Bólisińiz:
Aqmolada dombyra kúnine oraı baıqaýlar men chellendjder uıymdastyryldy

KÓKShETAÝ. QazAqparat - Ulttyq Dombyra kúnine oraı Aqmola oblysynda tuńǵysh ret Ádebıet jáne óner mýzeıi qoryndaǵy tanymal tulǵalardyń dombyralarynan quralǵan «Babamnan qalǵan mura sen bolmasań...» atty kórme uıymdastyryldy, dep habarlaıdy QazAqparat tilshisi.

Uqsas jańalyqtar
Aqmola oblysynyń dıqandary egin oraǵyn 80 paıyzdan asyrdy

Oblystyq mádenıet, arhıvter jáne qujattamalar basqarmasynyń baspasóz qyzmetiniń málimetinshe, kórme mýzeı qoryndaǵy Sultan Jalmuqanuly, Kóken Shákeev, Sáken Júnisov, Jumaǵalı Saın, Kárim Іlııastegi, Estaı Myrzahmetov, Málik Ǵabdýllın tárizdi tanymal tulǵalardyń dombyralaryn kópshilik qaýymǵa tanystyrý, babamyzdan mura bolyp qalǵan mýzykalyq aspaptyń qundylyǵyn jas býynnyń boıyna sińirý, qazaq halqynyń tól ónerine degen qyzyǵýshylyǵyn oıatý; halyqty mádenı oshaqtarǵa tarta otyryp, estetıkalyq talǵamyn qalyptastyrý jastardy bos ýaqyttaryn tıimdi paıdalanýǵa daǵdylandyryp, shyǵarmashylyq jolǵa tartý maqsatynda uıymdastyryldy.

Kórmeniń ashylýy barysynda Aqmola oblysy mádenıet, arhıvter men qujattamalar basqarmasy basshysy Aıgúl Sábıtova, Qazaqstan Respýblıkasynyń Eńbek sińirgen qaıratkeri, jazýshy Jabal Erǵalıev quttyqtaý sózderinde ulttyq ónerdi, salt-dástúrlerdi ulytqaý, rýhanı qundylyqtardy saqtaý, arttyrý, nasıhattaý mańyzdylyǵyn atap ótti.

Sonymen birge, Táýelsizdiktiń 30 jyldyǵy aıasynda Ultymyzdyń uly murasy Ulttyq dombyra kúnine oraı Birjannyń saldyń ánin, Aqan seriniń sánin jalǵaǵan, Úkili Ybyraıdyń úkisin taqqan, Balýan Sholaqtyń úmitin jaqqan, Imanjúsiptiń qaraldysyn, Qultýma men Ǵazızdiń joralǵysyn saqtaǵan Aqmola óńiriniń ónerpazdary óner chelendjin bastady.

«Dombyra - ánshiniń qolqanaty, sal-seriniń saltanaty, jyrshynyń jaraǵy, kúıshiniń pyraǵy. Dombyranyń saǵaǵynan órilip, shanaǵynan tógilgen án men kúıdiń qudireti ulttyq bolmysymyzdy saqtap, eldik mereıimizdi asqaqtata bersin», - dedi murajaı qyzmetkerleri.

Aqmola oblystyq mádenıet, arhıvter jáne qujattamalar basqarmasynyń málimetinshe, chelendj Esildi boılatyp án atasy-Segiz seri, Nııaz seri týǵan Qyzyljar óńirine, Ertisti boılatyp Estaı men Isa, Jarylǵapberdi izi saıraǵan Baıanaýyl óńirine jáne Áset pen Kempirbaı, Manarbek Erjanov, Jánibek Kármenov, Mádenıet Eshekeev pen Tursynǵazy Rahımovtardyń úni qalǵan Semeı óńirine, ári qaraı Nurany boılatyp Taıjan aqynnyń, Qalı Baıjanov pen Júsipbek Elebekovtyń dástúrin dáriptegen Qaraǵandy, Jańarqa óńirine joldanady.

Eske sala ketsek, «Rýhanı qazyna-2021» respýblıkalyq festıvaliniń «Qazaqstannyń mádenı astanasy» is-sharalar jospary, sondaı-aq, QR Táýelsizdiginiń 30 jyldyǵy aıasynda Ulttyq Dombyra kúnine oraı Stepnogor qalasynda aımaqtyq «Arqanyń án darııasy» dástúrli ánshiler baıqaýy ótti.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT