+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqmolada balamaly energııa kózin óndirý boıynsha 7 joba júzege asyrylýda

2019 jylǵy 6 jeltoqsan 01:32
Bólisińiz:
Aqmolada balamaly energııa kózin óndirý boıynsha 7 joba júzege asyrylýda

KÓKShETAÝ. QazAqparat – Elimizdiń «Jasyl ekonomıkaǵa» kóshý jónindegi tujyrymdamasyna sáıkes Aqmola oblysynda da kún jáne jel qýatynan energııa óndiretin elektr stansasyn salý boıynsha birqatar joba júzege asyrylýda, dep habarlaıdy QazAqparat tilshisi

Elimizde 2023 jylǵa qaraı balamaly kózderden óndirilgen energııa úlesiniń kólemi 45 paıyzǵa kem bolmaıtyndyǵy boljanyp otyr.

Aqmola oblystyq energetıka jáne turǵyn úı-kommýnaldyq sharýashylyǵy basqarmasynyń baspasóz qyzmetiniń málimetinshe, óńirde balamaly energııa kózderin damytýǵa Elbasy N.Nazarbaev bekitken Qazaqstannyń «jasyl» ekonomıka kóshý týraly tujyrymdamasy arqaý bolǵan. Búgingi kúni bul baǵytta qolǵa alynǵan sharalar óz jemisin berýde.

«Oblysta jalpy quny 60 mlrd teńge bolatyn úsh ınvestıtsııalyq joba júzege asyrylyp, tabıǵı resýrstardy paıdalaný arqyly elektr energııasy óndirilýde. Indýstrııalandyrý kartasy sheńberinde qýaty 45 MVt alǵashqy jel elektr stansasy Ereımentaý aýdanynda iske qosyldy. Tórt jyldyń ishinde stansa shamamen 600 mln kVt/s elektr energııasyn óndirdi.

Balamaly energııa kózderin óndirýdiń tıimdiligin túsingen «Rodına» agrofırmasy» JShS óz kásiporyndarnyń qajettiligi úshin qýaty 750 myń kVt jel elektr stansasyn iske qosty.

Arshaly aýdanynda «TsATEK Green Energy» JShS qýaty 100 MVt bolatyn jel elektr stansasynyń qurylysy júrgizilýde. Bıylǵy jyldyń tamyz aıynda jobanyń alǵashqy kezeńi (qýaty 50 MVt) júzege asyryldy. Ekinshi kezeńde qýattylyqty 100 MVt deıin arttyrý qarastyrylǵan. Sonymen birge, kompanııanyń úshinshi kezeńde qýattylyqty eki esege arttyrý josparynda bar. Bul - óńir úshin iri joba. Innovatsııalyq jaǵynan ǵana emes, ekonomıkalyq jaǵynan da tıimdi jobanyń quny 40,7 mıllıard teńgeni quraıdy», deıdi Aqmola oblystyq energetıka jáne turǵyn úı-kommýnaldyq sharýashylyǵy basqarmasynyń baspasóz qyzmetindegiler.

Vedomstvonyń deregine súıensek, sonymen birge, 2020 jyly Tselınograd aýdanynda «KB Enterprises» JShS (qýaty 100 MVt) kún elektr stansasyn iske qosýdy josparlap otyr. Jobaǵa quıylatyn ınvestıtsııa kólemi 53,3 mıllıard teńge jáne ol sheteldik kapıtaldyń qatysýymen júzege asyrylady.

Qazir Aqmola oblysy ákimdigi men joba jetekshisimen jasalǵan kelisimshart negizinde joba júzege asyryla bastady.

Kókshetaýdyń irgesindegi Krasnoıar kentinde «Vıchı» JShS qýaty 3,75 MVt jel elektr stanasy salýda. Barlyǵy 5 jel generatory ornatyldy. Qazirgi kezde iske qosý aldyndaǵy daıyndyq jumystary júrip jatyr.

Budan bólek, Ereımentaý aýdanynda eki jel stansa salynady. Onyń biri - qýaty 50 MVt «Ereimentau Wind Power» JShS qolǵa alatyn bolsa, ekinshisin «Golden Energy Corp» JShS 2021 jyly iske qosýdy josparlap otyr.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT