+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Aqmolada AÁK alyp otyrǵan otbasylardyń turmystyq jaǵdaıy jaqsara tústi

2019 jylǵy 29 qyrkúıek 19:51
Bólisińiz:
Aqmolada AÁK alyp otyrǵan otbasylardyń turmystyq jaǵdaıy jaqsara tústi

KÓKShETAÝ. QazAqparat – Aqmola oblysynyń Egindikól aýdanynda memleket tarapynan ataýly áleýmettik kómek alyp otyrǵan otbasylardyń turmystyq jaǵdaıy jaqsara tústi, dep habarlaıdy QazAqparat tilshisi.

Uqsas jańalyqtar
Aı saıynǵy tabysy 12,6 mln teńge kásipkerge ataýly áleýmettik tólem taǵaıyndalǵan Almatyda 14 myńnan astam kópbalaly ana turady 2020 jylǵy 1 qańtardan bastap AÁK qalaı tólenedi

Oblystyq jumyspen qamtýdy jáne áleýmettik baǵdarlamalardy úılestirý basqarmasy baspasóz qyzmetiniń málimetinshe, Aqmola oblysynda ataýly áleýmettik kómek alýshylar sany ótken jylmen salystyrǵanda úsh esege kóbeıip otyr.

«Máselen, 2018 jyly 7,2 myń otbasy kómek alsa, bıylǵy jyly bul kórsetkish 8,3 myń otbasyna jetken. ıAǵnı, qarjy tilimen aıtqanda, tólemaqy kólemi 400 mıllıonnan 8,3 mıllıard teńgege deıin artyp otyr», deıdi basqarmanyń baspasóz hatshysy Vladıslava Kokorına.

Baspasóz hatshysy atap ótkendeı, muqtajdyq dep masyldyqqa salynbaı, óz kúnin ózi kórýge bekem bel býyp, tyrbanyp tirshilik etip jatqandardyń qajyr-qaıratyna súısinýge bolady. Sondaı otbasylardyń biri – Egindikól aýdanyna qarasty Baýmanskoe aýylynyń turǵyny Tolqyn Qaıyrova kópbalaly ana. Bir úıde 11 jan turdy. Jary bolsa jumyssyz. Bul otbasyna 15 aılyq eseptik kórsetkish kóleminde kómek kórsetildi. Osy kómektiń arqasynda otbasy qazir basqa jaılylaý páterge kóshsek dep qamdanyp otyr.

Sonymen qatar, aýdan ortalyǵy – Egindikól aýylynda turatyn Anna Dýmınanyń ataýly áleýmettik kómek alǵansha qarjylyq jaǵdaıy qıyn boldy. Kúıeýi turaqty jumys istegen joq. Al, usaq-túıek jumys birde bar, birde joq. Turaqty tabys bolmaǵan soń qarjy tapshylyǵyna jıi ushyraıtyn. Búgingi tańda «Baýmanskoe-07» jaýapkershiligi shekteýli seriktestigine jumysqa ornalasty. Turaqty tabys bolǵan soń dastarhany asqa tolyp, baspanasyn jóndep aldy. Buryn súreńsizdeý bolyp turatyn úı ishine jańa jıhazdar alyp, jutyndyryp qoıǵan. Qolyna kompıýter tıgen balalardyń qýanyshynda da shek joq. Qysqy maýsymǵa qajetti otyn-kómirin de túsirip úlgergen.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT