+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqmola polıtseıleri boranmen arpalysqan eki kúnniń qorytyndysyn shyǵardy

2019 jylǵy 8 jeltoqsan 17:23
Bólisińiz:
Aqmola polıtseıleri boranmen arpalysqan eki kúnniń qorytyndysyn shyǵardy

KÓKShETAÝ. QazAqparat - Aqmola oblysynyń polıtseıleri tabıǵattyń tosynsyıymen arpalysqan eki kúnniń qorytyndysyn shyǵardy.

Uqsas jańalyqtar
Qustarmen soqtyǵysqan AQSh vıtse-prezıdentiniń ushaǵy shuǵyl qonýǵa májbúr boldy 23 qyrkúıek kúnine jasalǵan aýa raıy boljamy Elordada úsh adamdy pyshaqpen jaraqattaǵan kúdikti ustaldy

Aýa raıynyń jaısyzdyǵy saldarynan bolǵan jol-kólik oqıǵasynan 3 adam zardap shegip, 4 kólik zaqymdandy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, aldyna alý sharalary der kezinde júrgizilýiniń arqasynda iri jol apattaryna jol berilmedi. Tártip saqshylary jáne qutqarý qyzmetiniń kúshteri qar qursaýynda qalǵan júrgizýshiler men jolaýshylarǵa ýaqtyly kómek kórsetip, evakýatsııalady.

«Eki kún boıy, 6-7 jeltoqsan aralyǵynda oblys aýmaǵyndaǵy joldarda jaǵdaı kúrdeli boldy. Barlyq baǵyttardaǵy avtomobıl joldary ýaqytsha jabyldy. Óńir polıtseıleri jol-kólik oqıǵasyn boldyrmaý maqsatynda kúsheıtilgen rejımde jumys istedi. Respýblıkalyq jáne oblystyq baǵyttaǵy joldardy baqylaıtyn 23 patrýlge qosymsha taǵy 5 patrýl engizildi. Joldardyń eldi-mekenderge kire beris tusynda blok beketteri ornalastyryldy. Barlyq júrgizýshilerge qaýipsizdik týraly keńes berildi. Osyndaı sharalardyń nátıjesinde qar qursaýynda qalǵan júrgizýshiler men jolaýshylarǵa ýaqtyly kómek kórsetildi», - deıdi vedomstvodan.

Máselen, jeltoqsannyń 6-da Qorǵaljyn aýdanynyń aýmaǵynda polıtsııa kapıtany Oljas Dáýletov pen polıtsııa serjanty Áset Ǵabbasov isten shyqqan «Mersedes» kóliginiń júrgizýshisi men jolaýshysy, astana turǵynyn qutqardy. Belgili bolǵandaı, túngi saǵat 23:30 shamasynda polıtsııaǵa avtojoldyń boıynda synǵan kólik turǵany týraly aqparat túsken. Oqıǵa ornyna jetken patrýldik polıtsııa ekıpajy jolda qalǵan astanalyqtardy Qorǵaljyn kentine jetkizdi.

«Nur-Sultan - Pavlodar» tasjolynda da jaǵdaı kúrdeli boldy. Jıyrma kóliktiń qatysýymen keptelis boldy. Munda birneshe saǵattyń ishinde polıtsııa qyzmetkerleri jol qozǵalysyn retke keltirip, kólikterdi patrýldik polıtsııa ekıpajy dittegen jerine de deıin shyǵaryp saldy. Osynyń arqasynda jol apatyna jol berilmedi», - dep tolyqtyrdy vedomstvo ókilderi.

PD baspasóz qyzmetiniń deregi boıynsha, boran bolǵan eki kún ishinde oryn alǵan jol-kólik oqıǵasynan 3 adam zardap shegip, 4 kólik zaqymdandy.

«Qazirgi kezde tabıǵattyń «minezi» qalpyna kelip, jaǵdaı turaqtaldy. Respýblıkalyq jáne oblystyq baǵyttaǵy avtomobıl joldary patrýldik polıtsııa ekıpajynyń baqylaýynda «, - dep túıindedi polıtseıler.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT