+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Aqmola oblysynyń ákimi óńirdegi áleýmettik nysandardyń jaı-kúıimen tanysty

2020 jylǵy 16 qańtar 01:00
Bólisińiz:
Aqmola oblysynyń ákimi óńirdegi áleýmettik nysandardyń jaı-kúıimen tanysty

KÓKShETAÝ. QazAqparat – Aqmola oblysynyń ákimi Ermek Marjyqpaev jumys babymen Sandyqtaý aýdanynda boldy. Onda ákim Balqashın jáne Sandyqtaý aýyldaryndaǵy birqatar áleýmettik nysandardyń jaǵdaıymen tanysty, dep habarlaıdy QazAqparat tilshisi ákimdiktiń baspasóz qyzmetine silteme jasap.

Uqsas jańalyqtar
Danıal Ahmetov: Shekaradan birde-bir shetel azamaty ótpeıdi Túrkistanda salynyp jatqan nysandardyń sapasy qatań baqylaýda - ákimdik Qalada tórtinshi meshit salý tıimsiz - Arhımed Muhambetov

Bıylǵy jyly «Aýyl-el besigi» baǵdarlamasy sheńberinde Sandyqtaý orta mektebine kúreli jóndeý jumystaryn júrgizý úshin 238,4 mıllıon teńge qarjy bólinip otyr. Bul qarjyǵa úsh qabatty ǵımarattyń shatyry, qabyrǵalary, edeni, terezesi, esikterin aýystyrý josparda bar. Mektep janynda shaǵyn ortalyq jumys isteıdi. Onda 20 búldirshin tárbıelenýde. Al mekteptegi oqýshy sany 188 balany quraıdy.

Aýdan ákimi Asqarbek Úısimbaev atap ótkendeı, aǵymdaǵy jyly Sandyqtaý aýylynda 70 mln teńgege jáne Balqashın aýylynda 83 mln teńgege aýylishilik kóshelerge (4,6 km) asfalt tóselmekshi.

Aımaq basshysy Ermek Marjyqpaev ustazdarmen kezdesýinde pedagog mamandyǵynyń mańyzdylyǵyna toqtala kele, qajyrly eńbekteri úshin alǵys aıtty. Sonymen qatar, memlekettiń qoldaýy, onyń ishinde «Pedagog mártebesi týraly» zańnyń qabyldanýy jáne bıylǵy jyldyń qańtar aıynan bastap muǵalimder aılyǵynyń 25 paıyzǵa artqanyn atap ótti.

«QR Tuńǵysh Prezıdenti – Elbasy Nursultan Nazarbaevtyń tapsyrmasymen qolǵa alynǵan «Aýyl – el besigi» baǵdarlamasy sheńberinde mektepterge kúrdeli jóndeý jumystary júrgiziledi. Jyl sońyna deıin aýyldardaǵy joldar jaqsarady. Sandyqtaý aýdandyq aýrhanasyna 559 mln teńgege kúrdeli jóndeý jumystary júrgiziledi. Biz sizderdiń jumys isteýlerińizge barlyq jaǵdaıdy jasaıtyn bolamyz. Al sizderdiń mindetterińiz oqýshylarǵa sapaly bilim berý», - dedi aımaq basshysy.

Sandyqtaý aýyldyq mádenıet úıin jóndeý úshin jobalyq-smetalyq qujattama ázirleýdi tapsyrdy.

«Men munda áleýmettik nysandardyń jaǵdaıymen tanysýǵa arnaıy keldim. Bólingen qarjy durys ıgerilýi tıis. Kóktemde kelip, qurylys jumystarymen tanysamyn», - dep atap ótti E.Marjyqpaev.

Budan bólek, aımaq basshysy aýdan ortalyǵy – Balqashın aýylyndaǵy mádenıet úıi, balalar men jasóspirimderdiń sport mektebi, «Mıras» balabaqshasy jáne №1 orta mektepte te boldy. Oblystyq bıýdjet esebinen jáne «Aýyl El-besigi» baǵdarlamasy sheńberinde bólinetin qarajattarǵa kúrdeli jóndeý jumystaryn oıdaǵydaı ótkizý týraly aýdan ákim men tıisti sala basshylaryna naqtyly tapsyrmalar berdi.


Bizdiń kanalymyzǵa jazylyńyz:

Basty sózder: Aqmola oblysy, Ákim, Qurylys,
Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT