+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Aqmola oblysyndaǵy volonterler muqtaj jandarǵa kómek kórsetýde

2020 jylǵy 20 naýryz 20:32
Bólisińiz:
Aqmola oblysyndaǵy volonterler muqtaj jandarǵa kómek kórsetýde

KÓKShETAÝ. QazAqparat - Aqmola oblysynda volonterler muqtaj jandarǵa antıseptıkalyq quraldar, medıtsınalyq maska jáne áleýmettik mańyzy zor azyq – túlik taýarlaryn taratýda. Bul týraly QazAqparat tilshisi «Nur Otan» partııasy Aqmola oblystyq fılıalynyń baspasóz qyzmetine silteme jasap habarlaıdy.

«Biz birgemiz! «Nur Otan» biryńǵaı respýblıkalyq aktsııasy sheńberinde birinshi kezekte jalǵyz basty qarııalar, erekshe muqtajdyǵy bar kóp balaly otbasylarǵa kórsetilýde.

«Búgin volonterlerdiń mobıldi brıgadasy jasaqtaldy. Onyń quramynda «Nur Otan» partııasynyń ókilderi men «Jas Otan» jastar qanatynyń músheleri bar. Olar jalǵyz basty qarııalar men kóp balaly otbasylarǵa «esikten esikke» qaǵıdasy boıynsha qaıyrymdylyq sharasyn ótkizdi. Áleýmettik sebetke gıgıenalyq zattar, azyq túlik, medıtsınalyq maska jáne jergilikti «Turmystyq hımııalyq zaýyt» JShS antıseptıkalyq ónimderi bar»,- deıdi «Nur Otan» partııasy Aqmola oblystyq fılıalynyń baspasóz hatshysy Dınara Dúısenova.

Aktsııa barysynda volonterler oblys ortalyǵynda turatyn áleýmettik jaǵynan turmysy tómen 100-den astam otbasyna kómek kórsetýde. «Nur Otan» partııasy Aqmola oblystyq fılıalynyń tóraǵasy Ǵalym Bekmaǵambetovtyń aıtýynsha, óńirde qaıyrymdylyqqa qol ushyn sozýǵa daıyn partııa músheleri jetkilikti.

«Biz Aqmola oblysy aýmaǵynda turatyn kóp balaly otbasylarǵa, áleýmettik jaǵynan az qamtylǵandarǵa, soǵys ardagerlerine, jalǵyz basty qarııalarǵa kómektesemiz. Bizde muqtaj jandardyń tizimi bar. Sol boıynsha azyq-túlik jetikizip beremiz. Aldyn ala habarlasyp, ne qajet ekenin surap bilip alamyz. Aktsııa odan ári jalǵasa beretin bolady», - dedi Ǵ.Bekmaǵambetov.

Budan bólek partııanyń Aqmola oblystyq fılıalynyń músheleri koronavırýspen kúresý úshin bir kúndik eńbekaqylaryn aýdardy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT