+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Aqmola oblysyndaǵy nysandar qalaı jumys isteıdi – Jańa Qaýly

2021 jylǵy 31 shilde 17:58
Bólisińiz:
Aqmola oblysyndaǵy nysandar qalaı jumys isteıdi – Jańa Qaýly

NUR-SULTAN. QazAqparat – Aqmola oblysynda karantındik shekteý sharalaryn odan ári qatańdatý týraly jańa qaýly jarııalandy, dep habarlaıdy QazAqparat.

Uqsas jańalyqtar
Taǵy 4 myńǵa jýyq adam koronavırýstan emdelip shyqty Qazaqstanda ótken táýlikte 2693 adamnan koronavırýs anyqtaldy ShQO-da ımmýndyq plazmanyń 7 myńǵa jýyq dozasy daıyndaldy

Jańa qujatta qoǵamdyq tamaqtaný oryndarynda, úıde jáne ashyq aýada banket, mereıtoı, úılený toı, as berý sekildi kópshilik jınalatyn is-sharalardy ótkizýge tyıym salynǵan. Saıabaqtarǵa, alańdarǵa jáne ózge de demalys oryndarynda bir topta 3 adamnan artyq bolmaýy qajet, bul rette bir otbasy múshelerine birge júrýge ruqsat berilgen.

Sonymen birge, jańa qujatta jumys isteýge ruqsat beriletin nysandar tizimi kórsetilgen.

- Mektepke deıingi balalar mekemeleriniń kezekshi toptary, munda bala sany 25-ten aspaýy kerek;

- Qala mańyna júretin jolaýshylar poıyzy, elektr poıyzy;

- Tolymdyǵy 30 paıyzdan aspaıtyn balalardy saýyqtyrý uıymdary;

- Onlaın ótkizý múmkindigi bolmaǵan jaǵdaıda offlaın otyrystar men keńester;

- Dinı nysandarda (meshit, sobor, shirkeý, sınagog) bir adamǵa 4 sharshy metr aýmaq bólip, ǵımarat janyndaǵy qoǵamdyq tamaqtaný nysandarynyń jumysyn toqtatqan jaǵdaıda jumys isteı alady. Sondaı-aq, senbi, jeksenbi jáne mereke kúnderi jabylýy tıis. Ashyq aýada ujymdyq dinı is-sharalar, onyń ishinde juma namazy, kúndelikti pravoslavıe duǵalary jáne basqalaryna ruqsat beriledi.

- Gúlder dúkeni, fotosalon, kitaphana, mýzeı qyzmetteri;

- Saýda býtıkterinde, bazarlarda áleýmettik qashyqtyq saqtalyp, bir adamǵa 4 sharshy metr aýmaq bólinip, jeksenbi jáne mereke kúnderi jumysyn toqtatqan jaǵdaıda;

- Sýpermarket pen gıpermarketter jumys rejımin saǵat 24:00-ge deıin shekteı otyryp, kelýshilerdi 30 paıyzdan asyrmaı, bir adamǵa 4 sharshy metr aýmaq bólgen jaǵdaıda;

- Aýmaǵy 500 sharshy metrden asatyn saýda ortalyqtary koronavırýsqa qarsy vaktsınalaý pýnktteri ornalasqanyna qaramastan, senbi, jeksendi jáne mereke kúnderi jumysyn toqtatady, kelýshiler sanyn 30 paıyzdan asyrmaı, bir adamǵa 4 sharshy metr aýmaq bólýi qajet.

- Dámhana, meıramhana tıpi boıynsha dúkenderdegi barlar, jazǵy alańdar, strıt-fýd jáne qoǵamdyq tamaqtaný oryndary kópshilik jınalatyn saltanatty, otbasylyq, ujymdyq sharalardy ótkizbeı, ústel arasynda 2 metr qashyqtyq saqtap, tolymdyǵyn 50 paıyzdan asyrmaı, senbi, jeksenbi jáne mereke kúnderi jabylǵan jaǵdaıda tańǵy 7:00-den 18:00-ge deıin jumys isteýge ruqsat beriledi. Saǵat 18:00-den tańǵy 7:00-ge deıin jetkizý qyzmeti ǵana qoljetimdi.

- Saýda ortalyqtaryndaǵy fýdkort qyzmeti tańǵy 10:00-den 18:00-ge deıin tek jetkizý men alyp ketý qyzmetin ǵana júrgize alady. Senbi, jeksendi jáne mereke kúnderi jumysyn toqtatady.

- Ashana tıpi boıynsha alkogol ónimderi satylmaıtyn tamaqtaný nysandary kópshilik jınalatyn saltanatty, otbasylyq, ujymdyq sharalardy ótkizbeı, , tolymdyǵyn 50 paıyzdan asyrmaı, senbi, jeksenbi jáne mereke kúnderi jabylǵan jaǵdaıda tańǵy 7:00-den 24:00-ge deıin jumys isteı alady;

- Sulýlyq salondary, shashtaraz, manıkıýr men pedıkıýr qyzmetteri, kosmetologııalyq mekemeler sanıtarlyq normalarǵa saı keletin aktisi bolsa, bir adamǵa 4 sharshy metr aýmaq bólip, kreslolar arasynda 2 metr qashyqtyq saqtaı alsa, aldyn ala jazylý boıynsha jumys isteıdi;

- Balalar kabınetteri, túzetý ortalyqtary, balalar men eresekterdiń bilim ortalyqtary senbi, jeksenbi jáne mereke kúnderi jumysyn toqtata otyryp, aldyn ala jazylý boıynsha bir topta 15 adamnan asyrmaı jumys isteıdi;

- Medıtsına ortalyqtary, stomatologııa klınıkalary jáne dárihanalar da qyzmetin jalǵastyrady;

- Fıtnes, ıoga ortalyqtary, jattyǵý zaldary men sport-saýyqtyrý ortalyqtary senbi, jeksenbi jáne mereke kúnderi jumysyn toqtata otyryp, jumys kúnderi saǵat 20:00-ge deıin, aldyn ala jazylý boıynsha kelýshiler sanyn 50 paıyzdan asyrmaı, bir adamǵa 5 sharshy metr aýmaq bólgen jaǵdaıda jumysyn jalǵastyrmaq;

- Qoǵamdyq monsha qyzmeti tolymdyǵyn 50 paıyzdan asyrmaı, bir adamǵa 4 sharshy metr oryn bólip jáne jýyný ýaqytyn 60 mınýtqa shekteý arqyly jumys isteıdi. Bul rette monshadaǵy demalys bólmesi men as ishetin oryndary jabyq bolady;

- Saýnalar men SPA ortalyqtary, basseınder tolymdyǵyn 50 paıyzdan asyrmaı, bir adamǵa 4 sharshy metr oryn bólip jáne senbi, jeksenbi jáne mereke kúnderi jumysyn toqtatý arqyly jumys kúnderi saǵat 20:00-geı deıin ashyq bolady;

- Týrızm nysandary, qonaq úıler, demalys úıleri, týrıstik bazalar da jumys isteıdi jáne olardyń tolymdyǵy 80 paıyzdan aspaýy kerek;

- Memlekettik organdar, kvazımemlekettik sektor men ulttyq kompanııalar, kásipkerlik sýbektileriniń jumysyna da rusqat beriledi. Shtattyq kestede 20-dan astam adam bolsa, qyzmetkerlerdiń 80 paıyzy qashyqtan jumys isteýi qajet. Koronavırýsqa qarsy vaktsına alǵan jáne sońǵy úsh aıda aýyryp shyqqan qyzmetkerlerge keńsede jumys isteýge ruqsat beriledi;

- Úzdiksiz óndiristik tsıkly bar ónerkásip oryndaryna, ashyq aýadaǵy qurylys jumystaryna, aýyl sharýashylyǵy, balyq sharýashylyǵy jáne mal sharýashylyǵy jumysyna ruqsat beriledi;

- Kólik salonynda 2 klıentten artyq kelýge bolmaıdy, tehnıkalyq qyzmet kórsetý salonynda 3 klıent qana tura alady;

- Sportshylar men jattyqtyrýshylar koronavıýrsqa qarsy tolyq vaktsına kýrsyn alǵan jaǵdaıda oblystyq komandany daıyndaý úshin oqý-jattyǵýlaryn qaıta jandandyrýǵa ruqsat beriledi;

- Bıznes ortalyqtary, saqtandyrý kompanııalary, advokat, notarıýs, esepshi, konsaltıng, jyljymaıtyn múlik agenttikteri, jarnama agenttikteri, sot oryndaýshylary jumysyna bir adamǵa 4 sharshy metr aýmaq bólgen jaǵdaıda ruqsat beriledi;

- Týrıstik kompanııalar, lombard, aıyrbastaý beketteri, býkmeker keńseleri de jumys isteı alady;

- «Qazposhta» AQ múmkindiginshe onlaın formatta jáne jumys kúnderi saǵat 9:00-den 18:00-ge deıin, senbi kúnderi saǵat 9:00-den 14:00-ge deıin jumys isteýi qajet;

- Halyqqa qyzmet kórsetý ortalyqtary, onyń ishinde mamandandyrylǵan HQKO, 1414 qońyraý ortalyǵy jáne vırtýaldy assıstentter jumys kúnderi saǵat 9:00-den 18:00-ge deıin ashyq bolady;

Buǵan deıin Aqmola oblysynda Qaýly boıynsha jumysy ýaqytsha toqtalyǵan nysandar tizimi jarııalanǵan edi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT