+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Aqmola oblysyndaǵy karantın: Jaǵdaı tolyq baqylaýda

2019 jylǵy 19 tamyz 14:43
Bólisińiz:
Aqmola oblysyndaǵy karantın: Jaǵdaı tolyq baqylaýda

KÓKShETAÝ. QazAqparat – Aqmola oblysyndaǵy túınemege qatysty jaǵdaı QR Densaýlyq saqtaý mınıstrliginiń baqylaýynda, dep habarlaıdy QazAqparat tilshisi vedomstvonyń baspasóz qyzmetine silteme jasap.

Uqsas jańalyqtar
Aqmola oblysynda túıneme karantıni alyndy

Vedomstvoda atap ótkendeı, Aqmola oblysy men Nur-Sultan qalasyndaǵy epıdemıologııalyq jaǵdaı turaqty. QR DSM taýarlar men qyzmetterdiń qaýipsizdigi men sapany baqylaý komıteti Aqmola oblysynyń Arshaly aýdanyna qarasty Olgınka aýylynda túınemeniń tirkelýine baılanysty birqatar is-sharalar qabyldanǵanyn habarlady.

Komıtet tóraıymy Lıýdmıla Buırabekovanyń aıtýynsha, jaǵdaı tolyq baqylaýda. Óńirde Aqmola oblysy ákiminiń orynbasary Ǵalymjan Ádiqalyqovtyń basshylyq etetin densaýlyq saqtaý, veterınarııa, ishki ister organdary salasyndaǵy memlekettik organdar men tótenshe jaǵdaılar departamenti ókilderi qatysqan túıneme juqpasy boıynsha aýmaqtyq shtab jumys isteýde.

«Іndet oshaǵynda epıdemııaǵa jáne epızootıkaǵa qarsy sharalar uıymdastyryldy. Olar qarym-qatynasqa túsken adamdardy anyqtap, ekpe salýǵa baǵyttalǵan», - dep atap ótti Lıýdmıla Buırabekova.

Budan bólek, densaýlyq saqtaý mınıstrliginiń baspasóz qyzmeti habarlaǵandaı, Arshaly aýdanynyń ákimi Epızootıkalyq jáne epıdemıologııalyq oshaqtardy aýyzdyqtaý jáne joıý is-sharalar josparyn bekitti.

«Qazirgi tańda túınemege qatysty bes kúdikti jaǵdaı tirkeldi. Olardyń ishinde tórteýin zerthana rastady. Aýrý jeke qorada veterınarlyq kýálandyrýsyz iri qara maldy (sıyr) soıýǵa májbúr bolǵandyqtan taraǵan. Olgınko aýylyna qoralardy tekserý úshin qosymsha 3 medıtsınalyq qyzmetker jiberildi. Medıtsınalyq mekeme tolyqtaı dári-dármektermen qamtamasyz etildi», - dep atap ótti vedomstvoda.

Atap ótilgendeı, 2019 jyldyń 12-15 tamyzynda qarym-qatynasqa tústi delingen barlyq adam Arshaly aýdandyq aýrýhanasynyń juqpaly aýrýlar bólimine jatqyzyldy. Epıdemıologııalyq tekserý anyqtaǵandaı, 2019 jyldyń 2-6 tamyzynda jeke qorada veterınarlyq kýálandyrýsyz mal soıýǵa májbúr bolǵan jaǵdaı saldarynan indet taraǵan. Mal ıesiniń aıtýynsha, maldy soıýǵa 5 adam qatysqan.

«Qazirgi ýaqytta Aqmola oblystyq ulttyq saraptama ortalyǵy oblystyq bólimshesi asa qaýipti ınfektsııalar zerthanasy aýrýlardan serologııalyq zertteý úshin materıal aldy.

Sondaı-aq, zerthana qyzmetiniń mamandary aýrýdyń birinshi jaǵdaıy tirkelgen kezde indet oshaǵynan aýyrǵan janýardyń materıaldary (iri qara maldyń eti, júni, súti, jemi), topyraq, sý synamalary alyndy.

Zertteý nátıjeleri boıynsha, jaramsyz synama anyqtalmady. Qosymsha 3 bıosynama men 5 topyraq synamasy irikteldi. Olar qazir bakterıologııalyq zertteýde jatyr», - dedi vedomstvodan.

Sondaı-aq, veterınarlyq ınspektsııa sanıtarlyq qyzmetpen, polıtsııa jáne medıtsına qyzmetkerlerimen birge 156 úıdiń qorasyna, 236 túrli nysandar men uıymdarǵa tekserý júrgizip, turǵyndarǵa 392 nusqaýlyq berdi.

Aýlalardy tekserý barysynda medıtsınalyq baqylaýǵa alynǵan adamdar anyqtaldy, olarǵa kúnine eki ret termoetrııa júrgizilip jatyr.

«Óńirdegi jaǵdaı Komıtettiń baqylaýynda, epıdemıologııalyq qarsy sharalar jalǵasyp jatyr. Komıtet basshysy qala turǵyndaryna qarapaıym qaýipsizdik pen gıgıena erejelerin saqtaýǵa keńes beredi. Sondaı-aq, temperatýra kóterilip, densaýlyǵy nasharlaǵan jaǵdaıda mekenjaı boıynsha medıtsınalyq mekemege barýlary suralady», - delingen baspasóz baıanynda.

Eske salaıyq, 16 tamyzda Aqmola oblysynyń Arshaly aýdanyna qarasty Olgınka aýylynda túınemege qatysty karantın jarııalandy. 5 turǵyn aýrýhanaǵa jatqyzylyp, qazir synamalar zerttelip jatyr. Aýrýhanada jatqandardyń jaǵdaıy turaqty. Olgınka aýylynda úı janýarlary arasynda túıneme belgisi anyqtalǵan joq.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT