+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Aqmola oblysyndaǵy dıqandar ár gektardan 15 tsentnerden astyq alýda

2021 jylǵy 16 qyrkúıek 18:38
Bólisińiz:
Aqmola oblysyndaǵy dıqandar ár gektardan 15 tsentnerden astyq alýda

KÓKShETAÝ. QazAqparat - Aqmola oblysy dıqandarynyń kúzgi egin oraǵy naýqanyndaǵy astyq jınaýda qarqyny joǵary. Mańyzdy naýqanda alǵashqylardyń biri bolyp, bitik shyqqan eginge shalǵy salǵan Shortandy aýdanyndaǵy «Bektaý» jaýapkershiligi shekteýli seriktestiginiń dıqandary da sheshýshi kezeńde shıraq qımyldaýda, dep habarlaıdy QazAqparat tilshisi.

Uqsas jańalyqtar
Aýyl sharýashylyǵy mınıstri bıylǵy astyq túsimine boljam jasady Qýańshylyqta Mańǵystaý men Qyzylorda oblystaryna qandaı kómek kórsetildi Brekeshev: Egin sharýashylyǵyn organıkalyq ádiske tezirek kóshirý qajet

Seriktestik dırektory Petr Tkachenkonyń aıtýynsha, qazir dala tósinde egin oraǵynyń naǵyz qyzǵan shaq. Dıqandar barlyq kúshti el rızyǵyn shashpaı-tókpeı jınap alýǵa jumsap jatyr. Sharýashylyq bıyl 21, 6 myń gektar alqapqa dándi jáne dándi burshaq daqyldaryn sepken. Jazda jaýyn-shashynyń az túskenine qaramastan, agrotehnıkalyq sharalardy ýaqytynda, sapaly atqarǵan seriktestik dıqandary táýir ónim alýda. Gektar berekesi 15,3 tsentnerden aınalýda. Astyq aldymen qyrmanǵa jóneltilip, keıin osyndaǵy astyq saqtaý qoımalaryna jaıǵastyrylýda.

«Egistik alqaptarda júrgen tehnıkanyń bári sý jańa. Naýqanǵa barlyǵy segiz «Vektor 410» jáne on «Djon Dır» tárizdi sheteldik alymdylyǵy joǵary kombaındar jumyldyrylǵan. Bastyrylǵan dán toǵyz «K-700» traktory, segiz «KamAZ» kóligi jáne tirkemeli eki «Belarýs» traktorlary arqyly tasymaldanady», - dedi Petr Tkachenko.

Seriktestik basshysy atap ótkendeı, dıqandardyń qımyly shıraq.

«Qazir naýqan kezinde 160 adam jumys isteıdi. Barlyǵy óz isiniń sheberleri. Jumysqa aýyl adamdary tartylyp, óz nápaqalaryn tabýda. Naýqan kezinde mehanızatorlar ortasha 600-800 myń teńgeden aılyq alady. Jınaǵan ónimderimizdi Shortandy kentindegi elevatorǵa jóneltip, qalǵanyn ózimiz de saqtaýdamyz. Keler jylǵa qajetti 3,5 myń tonna tuqym qorynyń 2 myń tonnasyn jınap qoıdyq», – dep tolyqtyrdy Petr Tkachenko.

Búgingi tańda egistik alqabynyń 85 paıyzyn jınap úlgergen seriktestik dıqandary aýa raıy ashyq bolsa, aldaǵy 4-5 kúnde egin oraǵyn aıaqtaıtyndyqtaryna senimdi.

«Bıyl eginiń shyǵymy jyldaǵymen salystyrǵanda onsha emes. Alda kúnderi aýa – raıy jaıly bolsa, bar kúshimizdi salatynymyz anyq. Oǵan osy salada uzaq ýaqyt jumys istegen tájirıbemiz de jeterlik, – dep túıindedi seriktestik basshysy.

Sonymen birge, seriktestikte egini jınalyp bosaǵan 3,5 gektar jer jyrtylyp, óńdelgen. Jospar boıynsha 4 gektar jerdi óńdeý mejelenip otyr.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT