+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Aqmola oblysyndaǵy aýylda karantın jarııalandy: Bes adam túıneme juqtyrdy dep kúdiktelýde

2019 jylǵy 18 tamyz 23:26
Bólisińiz:
Aqmola oblysyndaǵy aýylda karantın jarııalandy: Bes adam túıneme juqtyrdy dep kúdiktelýde

AQMOLA. QazAqparat – Aqmola oblysynyń Arshaly aýdanyna qarasty Olgınka aýylynda «sibir jarasyna» qatysty karantın jarııalandy. Bul týraly QazAqparat QR Aýyl sharýashylyǵy mınıstrligine silteme jasap habarlaıdy.

Uqsas jańalyqtar
Jambylda 4 adam túıneme juqtyrdy Aqmola oblysynda túıneme karantıni alyndy Olgınkadaǵy karantın: Zalaldanǵan ettiń 80 paıyzy joıyldy

16 tamyzda atalmysh aýyldan alynǵan synamalardyń nátıjesinde aldyn ala «sibir jarasy» dıagnozy qoıylyp, 17 tamyzdan bastap aýylda karantın jarııalandy. Degenmen, zertteýler áli de jalǵasýda. Tolyq nátıje 19-20 tamyzda belgili bolýy tıis.

Aqmola oblysynyń Densaýlyq saqtaý basqarmasynyń aqparaty boıynsha, Olgnıka aýylynyń 5 turǵyny aýrýhanaǵa jatqyzylǵan. Qazir synamalarǵa zertteý júrgizilip jatyr. Naýqastardyń jaǵdaıy turaqty.

«16 tamyzda Arshaly aýdanynyń bas memlekettik veterınarııalyq ınspektory Olgınka aýylynyń ákimine karantın engizý týraly usynys joldady. Senbi kúni Aqmola oblysy Arshaly aýdanynyń aýmaǵynda sibir jarasy aýrýlarynyń oshaqtaryn joıý boıynsha shtab otyrysy ótti. Quramynda 14 adam kiretin shtab veterınarlyq jáne sanıtarlyq-epıdemıologııalyq qyzmettiń, densaýlyq saqtaý basqarmasynyń, jergilikti polıtsııa qyzmetiniń is-qımyl jospary qabyldandy.

Olgınka aýylyndaǵy maldar arasynda «sibir jarasy» joq. Kún saıyn janýarlardy komıssııalyq tekserý júrgiziledi», - delingen QR Aýyl shýrashylyǵy mınıstrliginiń saıtyna jarııalanǵan aqparatta.

Mınıstrliktiń málimetine qaraǵanda, Olgınka aýylynyń barlyq maly sáýir aıynda sibir jarasyna qarsy egilgen.

«Veterınarııalyq qaǵıdalardy bekitý týraly» QR AShM 2015 jylǵy 29 maýsymdaǵy №7-1/587 buıryǵymen bekitilgen veterınarııalyq-sanıtarııalyq qaǵıdalardyń 1 paragrafynyń 145-22 tarmaǵyna sáıkes, Sibir jarasy boıynsha karantın ınfektsııa joıylǵannan jáne qorytyndy dezınfektsııa júrgizilgennen keıin 15 kúntizbelik kún ótkennen keıin alynady. Shamamen qyrkúıektiń birinshi onkúndiginde karantın alynyp, mal men ónimdi tasymaldaýǵa ruqsat etiledi.

Eske sala ketsek, Olgınka aýylynda1998 jyly atalmysh indet shyqqan, aýyldan 15 shaqyrym jerde statsıonarlyq mal qorym bar. Ol qorshalǵan, arnaıy eskertý belgileri qoıylǵan.

Aıta keterligi, indetti qazaq adamda «túıneme», eshkide «kebenek», qoıda «topalań», jylqyda «jamandat», sıyrda «qarasan», túıede «aqshelek» dep ataıdy.

Bizdiń kanalymyzǵa jazylyńyz:

Basty sózder: Aqmola oblysy, Medıtsına, QR AShM,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT