+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Aqmola oblysyndaǵy 12 nysanda karantın shekteý buzylǵany anyqtaldy

2021 jylǵy 16 tamyz 20:15
Bólisińiz:
Aqmola oblysyndaǵy 12 nysanda karantın shekteý buzylǵany anyqtaldy

KÓKShETAÝ. QazAqparat - Aqmola oblysynda monıtorıng toptary karantın shekteýin saqtamaǵandardy anyqtap jatyr. Sońǵy aptada 442 nysandy tekserdi, onyń 12-de karantın sharalary buzylǵandyǵy anyqtaldy, dep habarlaıdy QazAqparat tilshisi oblystyq sanıtarlyq epıdemıologııalyq baqylaý departamentiniń baspasóz qyzmetine silteme jasap.

Uqsas jańalyqtar
Koronavırýs: Aqtóbede karantın jeńildedi SQO-da shekteýler taǵy da qatańdatyldy Kókshetaýda koronavırýspen aýyrǵandardyń 99 paıyzy vaktsına almaǵandar

Vedomstvonyń málimetinshe, shekteý sharalaryn buzý Bulandy (5), Býrabaı (2), Qorǵaljyn (2), Zerendi (1) aýdandarynda jáne Birjan sal aýdanynda (1), sondaı-aq Stepnogorsk qalasynda (1) anyqtalyp otyr. Onyń ishinde maska taǵý rejımi jıi buzylady. Osylarǵa qatysty 9 ákimshilik aıyppul salyndy.

«Óńirdegi epıdemıologııalyq jaǵdaı kúrdeli, kúnine 200-den astam jaǵdaı tirkelip, tıisinshe aýrýhanaǵa túskenderdiń sany artýda. Búgingi kúni ınfektsııalyq statsıonarlarda 1 343 adam emdelip jatsa, jansaqtaý bóliminde 123 naýqas bar», - dedi vedomstvodan.

Aıtalyq, Aqmola oblysynda 206 monıtorıng top jumysyn jalǵastyrýda. Jyl basynan beri karantın shekteýin saqtamaǵan 551 nysan anyqtaldy. Osyǵan baılanysty 590 ákimshilik aıyppul salyndy, onyń ishinde jalpy somasy 79,8 mln teńge bolatyn 575-i qaraldy. Sottyń qaraýyna taǵy 14 materıal joldandy.

«Sońǵy aptada monıtorıng top 442 nysandy tekserdi, onyń 12-de nemese 2,7 paıyzynda karantındik sharalardyń buzylǵandyǵy anyqtaldy», - dep qosty vedomstvodan.

Osy rette, departament qyzmetkerleri turǵyndarǵa sanıtarlyq-epıdemıologııalyq normalardy qatań saqtaýǵa, betperde kııýge, adamdar kóp jınalatyn jerge barmaýǵa shaqyrady.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT