+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqmola oblysynda júkti áıeldi múgedek etken dárigerlerge úkim shyqty

2021 jylǵy 24 maýsym 17:13
Bólisińiz:
Aqmola oblysynda júkti áıeldi múgedek etken dárigerlerge úkim shyqty

KÓKShETAÝ. QazAqparat - Kókshetaý qalasynda júkti áıeldiń múgedek bolyp qalýyna kináli akýsher-gınekolog dárigerlerge úkim shyqty. Alaıda, merzimniń ótýine baılanysty dárigerler qylmystyq jazadan qutylyp, zalaldy ǵana óteıtin boldy, dep habarlaıdy QazAqparat tilshisi.

Uqsas jańalyqtar
Jambylda bes kúnde 37 qylmys ashyldy Jambylda malshyǵa kúsh qoldanyp, qoılaryn alyp ketkender ustaldy ShQO polıtseıleri bes kún ishinde 105 qylmysty ashty

Kókshetaý qalalyq sotynyń málimetinshe, Aqmola oblystyq kópbeıindi aýrýhanasy perınataldyq ortalyǵynyń eki akýsher-gınekolog dárigerine qatysty qylmystyq is qaraldy.

«Sot 2019 jyldyń 8 mamyrynda Kókshetaý qalasyndaǵy perzenthana bólimshesine túsken jábirlenýshini eki kezekshi dáriger qaraǵanyn anyqtady. Olar óz tekserý nátıjeleri boıynsha basqa dáriger júrgizgen aldyńǵy tekserýdiń derekterin, sondaı-aq áıeldiń anamneziniń nátıjelerin nazarǵa almaı, qylmystyq nemquraılylyq tanyta otyryp, óz is-áreketterinen qoǵamdyq qaýipti saldar týyndaýy múmkindigin aldyn ala boljamaı, uryqtyń uryq qabyǵynyń naqty jaı-kúıin tolyq baǵalamaı, óz ókilettikteriniń sheńberinen shyǵyp, buryn qoıylǵan dıagnozdy negizsiz alyp tastaǵan. Abaısyzdyq pen medıtsınalyq kómek kórsetýde jiberilgen qatelikterge baılanysty jábirlenýshi І top múgedektigin aldy», - dep atap ótti qalalyq sotta.

Sot otyrysynda prokýror sottalýshylardy kináli dep tanýdy jáne eskirý merziminiń ótýine baılanysty olardy qylmystyq jaýaptylyqtan bosatýdy surady. Jábirlenýshi tarap eń qatań jaza taǵaıyndaýdy surady. Al sottalýshylardyń ózderi kinásin moıyndamady.

Kókshetaý qalalyq sotynyń úkimimen eki akýsher-gınekolog QR QK 317-babynyń 2-bóliginde kózdelgen «medıtsına qyzmetkeriniń abaısyzda jáne teris pıǵyldy kózqarasy saldarynan densaýlyqqa aýyr zııan keltirýge ákep soqqan kásibı mindetterin tıisinshe oryndamaýy» qylmystyq quqyq buzýshylyq jasaǵany úshin kináli dep tanyldy.

«Qylmys jasalǵan kúnnen bastap eki jyldan astam ýaqyt ótti. QK-niń 71-babyna sáıkes adam, eger qylmystyq quqyq buzýshylyq jasalǵan kúnnen bastap onsha aýyr emes qylmys jasalǵannan keıin 2 jyl ótse, qylmystyq jaýaptylyqtan bosatylady. Sottalýshylardy qylmystyq jaýapkershilikke tartý merziminiń ótip ketýine baılanysty olar qylmys jasaǵany úshin kináli dep tanylyp, jazadan bosatyldy», - dep tolyqtyrdy qalalyq sot.

Jábirlenýshi taraptyń azamattyq talaptary ishinara qanaǵattandyryldy. Aqmola kópsalaly oblystyq aýrýhanasynan keltirilgen materıaldyq zalal 3 928 168 teńge jáne moraldyq zııan 15 000 000 teńge óndirildi. Sondaı-aq, sottalǵandardan ókildiń kómegine aqy tóleý boıynsha 1 500 000 teńge mólsherinde shyǵystar óndirip alyndy.

Úkim zańdy kúshine engen joq.

Sonymen qatar, sot is boıynsha tergeý barysynda áýre-sarsańǵa jol bergeni úshin prokýratýra men polıtsııa organyna, al dárigerlerdiń jumysynda anyqtalǵan buzýshylyqtar úshin Densaýlyq saqtaý basqarmasynyń atyna jeke qaýlylar shyǵardy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT