Aqmola oblysynda jolda qalǵan 80-nen astam adam evakýatsııalandy, kóbi – sheteldikter

2022 jylǵy 27 qarasha, 18:36
Aqmola oblysynda jolda qalǵan 80-nen astam adam evakýatsııalandy, kóbi – sheteldikter

KÓKShETAÝ. QazAqparat – Aqmola oblysynda qatty aıazda jolda qalǵan 80-nen astam adam jylytý pýnktine evakýatsııalandy, onyń 8-i – bala, dep habarlaıdy QazAqparat tilshisi jergilikti TJD baspasóz qyzmetine silteme jasap.

«TJD men PD jáne jergilikti atqarýshy organdardyń qyzmetkerleri birlesip, «Ekaterınbor-Almaty» avtojolynda jolda qalǵan jolaýshylar avtobýsynan 62 adamdy evakýatsııalady, onyń ishinde 8 bala bar. Kókshetaý qalasynyń áleýmettik beıimdeý ortalyǵyna ornalastyrylǵan jolaýshylardyń 10-y – Reseı Federatsııasynyń, 10-y – Ózbekstan jáne 42-i – Tájikstan Respýblıkasynyń azamaty. Sonymen birge, Ereımentaý qalasynyń agrotehnıkalyq kolledjine «Astana-Pavlodar» tas jolynyń 187 shaqyrymynda isten shyqqan «Saryaǵash-Novosibir» baǵytyndaǵy avtobýs jolaýshylary (11 adam, onyń ishinde 5 bala) jetkizildi», - dedi TJD baspasóz qyzmetinen.

Vedomstvodan atap ótkendeı, budan bólek Atbasar aýdanynyń Bastaý aýylynda dızel otyny qatyp, júk kóligi jolda turyp qalǵan. Jergilikti atqarýshy organdardyń kúshimen tórt qyrǵyzstandyq jylytý pýnktine ornalastyryldy. Sondaı-aq, Arshaly aýdany amýaǵynda respýblıkalyq mańyzy bar avtojoldan tórt adam jáne bir avtobýs qutqaryldy.

Osy rette, Aqmola oblysynyń Tótenshe jaǵdaılar departamentiniń qyzmetkerleri oblys turǵyndary men qonaqtaryna joldardyń jabylýyna baılanysty eskertý habarlama alǵan kezde jolǵa shyqpaý jóninde keńes beredi.

Aıta ketsek, Aqmola oblysynda respýblıkalyq mańyzdaǵy joldar qoǵamdyq jáne júk kólikteri úshin jabylǵany habarlanǵan.


Uqsas jańalyqtar
Seriktester jańalyqtary

Jańalyqtar