Aqmola oblysynda jol apatynan 20 jastaǵy jigit kóz jumdy
2022 jylǵy 27 qańtar 23:53

Aqmola oblysynda jol apatynan 20 jastaǵy jigit kóz jumdy

KÓKShETAÝ. QazAqparat - Aqmola oblysy aýmaǵynda «Kókshetaý-Atbasar» tasjolynda jol apaty bolyp, 20 jastaǵy er adam kóz jumdy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, 27 qańtar túngi 00:30 shamasynda Zerendi aýdandyq PB kezekshi bólimine «112» operatorynan «Kókshetaý-Atbasar» avtojolynyń Aıdarly jáne Zerendi aýyldary arasynda jol-kólik oqıǵasy bolǵany týraly telefon habary tústi.

«Anyqtalǵandaı, oblys ortalyǵynyń 27 jastaǵy turǵyny basqarǵan «Mercedes benz» avtokóligi joldyń qarsy baǵytyna shyǵyp ketip, «Nissan Ceffiro» avto kóligimen soqtyǵysty. Saldarynan «Nissan Ceffiro» kóliginiń 20 jastaǵy jolaýshysy oqıǵa ornynda kóz jumdy», - dedi vedomstvodan.

Sonymen birge, Zerendi aýdandyq ortalyq aýrýhanasyna «Mercedes venz» avtokóliginiń júrgizýshisi men jolaýshysy jetkizildi.

«Saraptama taǵaıyndaldy. Qylmystyq kodekstiń 345-babynyń 3-bóligi «kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý bastaldy», - dep tolyqtyrdy vedomstvodan.

Jańalyqtar

MURAǴAT