+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aqmola oblysynda volonterlerdiń oblystyq sleti ótti

2020 jylǵy 27 aqpan 14:25
Bólisińiz:
Aqmola oblysynda volonterlerdiń oblystyq sleti ótti

KÓKShETAÝ. QazAqparat – Volonter jylyna oraı Aqmola oblysynda aımaq basshysy Ermek Marjyqpaevtyń qatysýymen Volonterlerdiń oblystyq sleti ótti, dep habarlaıdy QazAqparat tilshisi.

Shara bastalmas buryn oblystyq jastar resýrstyq ortalyǵynyń janynan ashylǵan «Volonterlerdi qoldaý ortalyǵynyń» tusaýkeseri ótti. Onda aımaq basshysyna ortalyq jumysy tanystyryldy. Ortalyqta volonterlerdiń jumys isteýine barlyq jaǵdaı jasalǵan. Internetke qosylǵan noýtbýk bar. Osy arqyly jergilikti volonterler oblystyń ár aýdany men elimizdiń kez kelgen óńirindegi áriptesterimen baılanys jasap, tájirıbe almasa alady. Volonterlerdiń basyn qosatyn ortalyqta túrli brıfıngter men kezdesýler, sheberlik sabaqtary ótkiletin bolady.

Ortalyq jumysymen tanysqan aımaq basshysy Ermek Marjyqpaev óńirde volonterlerdiń qatysýymen kóptegen ıgi ister júzege asyrylyp jatqanyn jáne ákimdik tarapynan olarǵa qoldaý kórsetiletinin atap ótti.

Budan ári shara «Dostar» mádenıet saraıynda Volonterlerdiń oblystyq sletine ulasty. Sharaǵa aımaq basshysy Ermek Marjyqpaev, «Qazaqstan volonterler lıgasy» volonterler qozǵalysynyń tóraıymy Aısulý Ernııazova, medıtsına salasyndaǵy respýblıkalyq volonterler ortalyǵynyń basshysy Abylaıhan Ábdirash, «Jaqsylyq jasa» qaıyrymdylyq qorynyń tóraıymy Tatıana Spıglazova, Tselınograd aýdanyndaǵy «Jalyndy jastar» volonterler qozǵalysynyń múshesi, «Meırimdi júrek» aktsııasynyń bastamashysy Nursulý Ermuhanova, Stepnogor qalasyndaǵy «Pokolenıe» izdeý otrıadynyń múshesi Valerıı Ermolenko, «Rahat» volonterler klýbynyń basshysy Aqqý Amanjolova, Qazaqstan halqy Aqmola oblystyq Assambleıasy janyndaǵy volonterler ortalyǵynyń tóraǵasy Ýmar Shonazarov qatysyp, sóz sóıledi.

«Memleket basshysy Qasym-Jomart Toqaev respýblıkalyq «Birgemiz» volonterler front-keńsesiniń ashylýynda «Volonterlik - memlekettiń damýy men jalpy qoǵamnyń damýynyń kórsetkishi. Memlekettiń jetistigi men jeńisi kún saıyn mańyzdy jáne paıdaly ispen aınalysatyn azamattardyń belsendi isi men patrıottyq kóńiline baılanysty» dep atap ótken bolatyn. Búgin biz «Ulttyq volonterler jelisi» men belsendi aqmolalyqtardyń pikirin estidik. Jaqynyńa kómek kórsetý ǵasyrlar boıy bizdiń mádenıetimizde qalyptasyp keledi. Halqymyzda muny asar dep ataıdy. Búgin slet jumysy barysynda Aqmola oblysynyń volonterlerdi qoldaý front-ofısy ashyldy. Osy arnaıy front-ofıste óte mańyzdy bastamalar júzege asatynyna senimdimin. Jalpy, bıylǵy volonterlik qyzmettiń 7 baǵytyn damytýǵa belsendi qatysasyzdar dep senem. Aqmola oblysynyń eriktileri ártúrli volonterlik qozǵalystarǵa turaqty belsendi qatysatyny qýantady. Búgingi tańda sizderdiń qataryńyz 2 myńnan asty. Olardyń sany kúnnen kúnge ósýde. Sizder 7 baǵyt boıynsha, onyń ishinde aýrýhanalar men áleýmettik mekemelerde jumys jasap, joǵalǵan adamdardy tabýǵa, tabıǵı apattardan zardap shekkenderge kómek kórsetýge, tabıǵat pen mádenıet eskertkishterin saqtaýǵa, qaza tapqan sarbazdardyń esimderin qalpyna keltirýge, iri halyqaralyq is-sharalardy ótkizýge zor úles qosyp júrsizder», - dedi aımaq basshysy E.Marjyqpaev.

Sonymen qatar, ol bıyl Kókshetaý qalasynda Qazaqstan men Reseı arasynda ekologııa jáne jasyldandyrý salasyndaǵy XVII óńiraralyq yntymaqtastyq forýmy ótetinin aıtyp, osy aýqymdy is-sharanyń uıymdastyrylýyna úles qosýǵa jergilikti volonterlerdi shaqyrdy.

Shara barysynda Aqmola oblysy ákimdigi men «Ulttyq volonterler jelisi» qoǵamdyq qory, Aqmola oblysy ákimdigi men «Atameken» ulttyq kásipkerler palatasynyń óńirlik keńesi arasynda áriptestik týraly memorandýmǵa qol qoıyldy.

Belsendi volonterlik uıymdar Aqmola oblysy ákiminiń Alǵys hatymen marapattaldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT